طالبانو په یوه خپره شوې اعلامیه کې هغو افغان ژباړونکو ته د خوندیتوب ډاډ ورکړی، چې بهرنیو ځواکونو سره یې دندې ترسره کړي.
اعلامیه کې ویل شوي، افغان ژباړونکي دې له هېواده تیښته نه کوي او په کور دننه دې خپل عادي ژوند ته ادامه ورکړي.
اعلامیه کې راغلي، هغه افغانان چې مخکې یې بهرنیو ځواکونو سره دندې ترسره کړي او اوس غواړي خپل عادي ژوند وکړي، د طالبانو له لوري هېڅ ستونزه نه ده ورته متوجه.
اعلامیه کې له ژباړونکو غوښتل شوي چې له هېواده د ټیښتې پر ځای دې په کومه برخه کې چې تخصص لري، خپل هېواد ته خدمت وکړي.
