Skip to content
  • English
  • پښتو
  • دری
logo png
  • کورپاڼه
  • افغانستان
  • نړۍ
  • اقتصاد
  • روغتیا
  • فرهنگ او هنر
  • لوبې
  • ټکنالوژي
  • ویډیوګانې
    • اوو بجو خبرونه
    • ځانګړې مرکه
    • تاوده بحثونه
    • محراق
    • راپورونه
مدینه محبوبي: د افغانستان وضعیت یوازینۍ حل لار له سرپرست حکومت سره تعامل دی

مدینه محبوبي: د افغانستان وضعیت یوازینۍ حل لار له سرپرست حکومت سره تعامل دی

شمشادنیوز by شمشادنیوز
2023/06/21

د افغانستان بشري حقونو په اړه د ملګرو ملتونو ځانګړي راپور ورکونکي یو ځل بیا د ملګرو ملتونو بشري حقونو شورا ته په وړاندې کړي راپور کې، د ښځو پر وړاندې د اسلامي امارت پر کړنو سختې نیوکې کړي او پر وړاندې یې د نوې تګلارې د جوړېدو غوښتنه کړې.

د بشر حقونو شورا له ناستې وروسته د ریچارډ بېنېټ یوې همکارې او د بشر حقونو فعالې مدینې محبوبي ویلي، دوی له سرپرست حکومت سره د دوامداره اړیکو په لټه کې دي.

د محبوبي په خبره، د افغانستان د اوسنیو ستونزو يوازينۍ حل لار جګړه نه بلکې خبرې او مذاکرات دي چې د افغانستان سرپرست حکومت یې لېوالتیا لري.

هغې زیاته کړې:«  یو ځل بیا غواړم  د دوامداره اړیکو پر سر ټنګار وکړم چې ډېرې زیاتې مهمې دی. تجربو ښودلې ده چې طالبان مذاکراتو ته تیار دي، که څه هم اوږد مهاله هڅو ته اړتیا ده خو بیا هم موږ کولی شو له دې ګټه واخلو. افغانان بیا جګړه نه غواړي. دا یوه روښانه موضوع ده چې موږ نور افغانستان کې جګړه نه غواړو بلکې سوله غواړو. افغانان نور هېڅ د لاسه ورکولو لپاره نه لري. تاسو پوهیږئ! دوی هر څه له لاسه ورکړي دي. نو موږ د تیر وضعیت بیا تکرار نه غواړو. موږ سوله غواړو او په سوله ییز ډول له طالبانو سره اړیکه کې اوسیدل غواړو او د افغانستان د اوسني وضعیت لپاره همدا یوازېنۍ د حل لاره ده.»

له سرپرست حکومت سره د تعامل ترڅنګ دې فعالې هغه راپورونه رد کړي، چې ګواکي ښځې په بشپړه توګه له کاره منع شوې دي.

محبوبي لاریونونه د حل لار نه ګڼي او له سرپرست حکومت سره يې د ستونزو اساسي حل په موخه پر دوامداره مذاکراتو ټينګار کړی دی.

محبوبي زیاته کړې:«  په غرب یا له افغانستانه بیرون داسې اوازې دي چې ښځې یا نور خلک په افغانستان کې نور کار نه کوي خو د ا حقیقت نه لري. ډېرې داسې ښځې شته  دي چې کار کوي. له دواړو انجوګانو سره او د وضعیت د پرمختک او ښه والي لپاره. دا کار دا مانا نه لري چې موږ باید پر سړکونو لاریونونه وکړو ځکه دا سم کار نه دی. دا په دې مانا ده چې موږ له طالبانو سره دومداره مذاکراتو ته هڅه کوو او موږ د سوله ییزې حل لارې په لټه کې یو.»

په ورته کې  ملګرو ملتونو کې د ښځو او نجونو پر وړاندې د تبعیض کاري ډلې مشرې  ډوروتي اسټراډا ټنک ویلي، هېڅ تمه نه لري چې ګواکې سرپرست حکومت به د دوی راپور جدي وګڼي، خو په خبره يې بیا هم دا هېله‌مندي شته چې د ښځو پر وړاندې خپلو کړنو کې بدلون راولي.

هغې زیاته کړې:« ایا طالبان به دا راپور جدي وګڼي، ښايي نه. دا یو حقیقت دی خو بیا هم تل داسې یو څه شته دي چې نه یوازې هېله ده بلکې امکان یې شته دی. د بشري حقونو په اړه کړنې د وړاندوینې وړ نه دي.»

که څه هم په دې خبري کنفرانس کې ډېری ټینګار له سرپرست حکومت سره پر تعامل شوی دی خو د بشري حقونو عالي شورا ته په وړاندي شوي راپور کې اسلامي امارت پر جنسیتي تبعیض تورن شوی، هغه چې سرپرست حکومت يې له حقيقت لرې بولي.

د اسلامي امارت ویاند ذبیح الله مجاهد وايي:« د ملګروملتو او ځینو نورو غربي بنسټونو او حکومتونو له آدرسه د اسلامي امارت په ضد پراخ پروپاګند روان دی. د افغانستان د وضعیت په اړه د ریچارډ بېنېټ راپور د همداسې پروپاګند برخه ده چې له حقايقو سره سر نه خوري. په افغانستان کې اسلامي قوانین پلي دي، په هغو اعتراض له اسلام سره ستونزه ده.»

له جګړې سره مخالفت او له سرپرست حکومت سره پر تعامل کولو ټينګار داسې مهال کېږي چې په کور دننه د نظر خاوندان ياد هدف ته د رسېدو په موخه له سرپرست حکومت د اصلاحاتو او د معيارونو د پوره کولو غوښتنه کوي.

شریک یې کړئ

ShareTweetShareSendSend

Related News

خوست کې د ۱۱۳ میلیونه افغانیو په لګښت د ودونو او کنفرانسونو عصري تالار جوړېږي
افغانستان

خوست کې د ۱۱۳ میلیونه افغانیو په لګښت د ودونو او کنفرانسونو عصري تالار جوړېږي

نوومبر 12, 2026
۴۵ کاله مهاجرت؛ د بلخ یوه کنډواله کلي ته راستانه شوي کډوال د خدماتو غوښتنه کوي
افغانستان

۴۵ کاله مهاجرت؛ د بلخ یوه کنډواله کلي ته راستانه شوي کډوال د خدماتو غوښتنه کوي

نوومبر 12, 2026
د روسیې لومړي وزیر مرستیال په مشرۍ لوړپوړی اقتصادي پلاوی  کابل ته راځي
افغانستان

د روسیې لومړي وزیر مرستیال په مشرۍ لوړپوړی اقتصادي پلاوی  کابل ته راځي

نوومبر 12, 2026
پښتون ژغورنې غورځنګ، د پاکستان د ظلمونو دوسیه د اروپا پارلمان ته وړي
افغانستان

پښتون ژغورنې غورځنګ، د پاکستان د ظلمونو دوسیه د اروپا پارلمان ته وړي

نوومبر 12, 2026
عامې روغتیا وزارت لاهم په هېواد کې د بې کیفیته درملو له موجودیت اندېښنه لري
افغانستان

عامې روغتیا وزارت لاهم په هېواد کې د بې کیفیته درملو له موجودیت اندېښنه لري

نوومبر 12, 2026
پوهنې وزارت: یونیسف او یونسکو دې افغانستان کې د زده کړو په اړه هر اړخیزه ارزونه وکړي
افغانستان

پوهنې وزارت: یونیسف او یونسکو دې افغانستان کې د زده کړو په اړه هر اړخیزه ارزونه وکړي

نوومبر 12, 2026

وروستي خبرونه

د نومبر ۱۴ مه د شکرې ناروغۍ په تړاو د پوهاوي نړیواله ورځ ده

د نومبر ۱۴ مه د شکرې ناروغۍ په تړاو د پوهاوي نړیواله ورځ ده

نوومبر 15, 2026
خوست کې د ۱۱۳ میلیونه افغانیو په لګښت د ودونو او کنفرانسونو عصري تالار جوړېږي

خوست کې د ۱۱۳ میلیونه افغانیو په لګښت د ودونو او کنفرانسونو عصري تالار جوړېږي

نوومبر 12, 2026
۴۵ کاله مهاجرت؛ د بلخ یوه کنډواله کلي ته راستانه شوي کډوال د خدماتو غوښتنه کوي

۴۵ کاله مهاجرت؛ د بلخ یوه کنډواله کلي ته راستانه شوي کډوال د خدماتو غوښتنه کوي

نوومبر 12, 2026
بغلان کې د یوه روغتون جوړېدو چارې بشپړې او د دوو نورو پیل شوې

بغلان کې د یوه روغتون جوړېدو چارې بشپړې او د دوو نورو پیل شوې

نوومبر 12, 2026
د روسیې لومړي وزیر مرستیال په مشرۍ لوړپوړی اقتصادي پلاوی  کابل ته راځي

د روسیې لومړي وزیر مرستیال په مشرۍ لوړپوړی اقتصادي پلاوی  کابل ته راځي

نوومبر 12, 2026
پښتون ژغورنې غورځنګ، د پاکستان د ظلمونو دوسیه د اروپا پارلمان ته وړي

پښتون ژغورنې غورځنګ، د پاکستان د ظلمونو دوسیه د اروپا پارلمان ته وړي

نوومبر 12, 2026
logo png
Facebook Twitter Instagram Youtube

زموږ په اړه

 

له موږ سره اړیکه

 

د شمشاد ټلوېزیون بنسټ اېښودونکی

د شمشاد اپليکېشن

ios-ap
andoried

خبرپاڼه

    ۱۴۰۵ د دې ویب سایټ د ټولو مطالبو حقوق له شمشاد نیوز سره خوندي دي

    • زموږ په اړه
    • له موږ سره اړیکه
    • د شمشاد ټلوېزیون بنسټ اېښودونکی

    Add New Playlist