جاپان د دوه ویشتو ولایتونو وچکالۍ ځپلو افغانانو سره مرسته کوي.
جاپان د دیارلس میلیونو ډالرو په ارزښت د وچکالۍ ځپلو افغانانو لپاره خوراکي توکي رانیسي.
دا مرستې د خوراک نړیوال سازمان ته ورکول کیږي چې دوه ویشت ولایتونو کې یې خلکو ته وویشي.
طبیعي پېښو ته د چمتووالي اداره وايي، په دې ورستیو کې زیات شمیر ولایتونه د وچکالۍ له امله زیانمن شوي او دغه مرستې به د زیانمن شویو لاسنیوی وي.
په کابل کې د جاپان هیواد له لوري د افغانستان په دوه ویشت ولایتونو کې وچکالۍ ځپلو سره د ۱۳ میلیونو امریکايي ډالرو په ارزښت د خوراکي توکو مرسته وشوه.
په کابل کې د جاپان سفارت وايي ، په دې ورستیو کې په افغانستان کې د وچکالیو له امله شاوخوا ۳ میلیونو وګړي زیانمن شوي دي، او دا مرسته به ورسره ډیر کمک وکړي.
په کابل کې د جاپان سفارت شاهزادفیر کیچي هارا داسې ویلي (( د جاپان حکومت او خلکو تصمیم ونیوه چې له دغو زیانمن شویو سره مرستې وکړي ، دا مرستې چې اوس مهال د ډبلیو ایف پي له زیرمو ځپل شو سیمو ته روانې دي، اړمنو ته به ډیر ګټه وکړي.))
په کابل کې د خوراک نړیوال سازمان مسوول وايي، د جاپان هیواد له لوري دغه مرستې چې اوړه دې د دغې سازمان له لوري په مینرالونو او ویټامینو غني شوي دي، د افغانستان د دوه ویشت ولایتونو ځپل شویو خلکو ته به يې ورسوي.
په کابل کې د ډبلیو ایف پي مسوول زلاتن ملېسیچ وویل (( د جاپان هیواد له لوري دغه مرستې په ډیر یو حساس وخت کې را ورسېدې، ډیره مننه کوو، موږ چې څومره فکر کاوه له هغه شمیر د ځپل شویو خلکو شمیر لوړ و او دا به له دوی سره ډیر مرسته وکړي.))
طبیعي پېښو ته د چمتووالي اداره وايي، وچکالۍ ځپل شویو ولایتونو کې د اړمنو لپاره ډیره اړتیا وه، خو اندیښنه دا ده چې دغه ځپل شوی ولایتونو به تر لس کلن ورښت وروسته سم وضعیت ته راشي.
د دغې ادارې د مالوماتو له مخې په دې ورستیو کې په هرات ولایت کې تر دیرش زرو زیات ، په بادغیس کې تر اتلس زرو، او په غور ولایت کې تر شپږ زرو، کورنۍ د وچکالۍ له امله بي ځایه شوې دي.
