د ليک یوه برخه:« زه حیران شوم،چې کله مې د ښځو د زده کړو بنديز او بشر دوستانه کارکونکو بنديزونه وليدل، ځکه،چې ستاسې طالب استازو د ۲۰۲۱ زيږديز کال د اګسټ وروسته په دوحه،اسلام اباد ، اوسلو او کابل کې لهموږ سره څو ځله ژمنې کړې وې،چې په افغانستان کې به ښځو ته د زده کړو او کار زمينه په هغه صورت کې برابروي،چې د ښځو حجاب، محرم او جلا څانګې په پام کې نيول شوې وي. موږ دا هر څه مراعت کړل، طالبانو زموږ په دفترونو کې د څارنې په مهال کومه ستونزه نه ده موندلې او نه يې هم موږ ته د دې پريکړې په اړه خبرداری راکړی دی.»
د ناروې کډوالۍ شورا په لیک کې ویل شوي،چې په خپل اداري تشکيل کې ۴۷۰ ښځينه کارکونکې لري او له دوی پرته نه شې کولی،چې د نارينه کارکوونکو په پواسطه افغان مېرمنو ته بشري مرستې ورسوي او دا کړنه يې د افغاني ټولنې د دودونو او کلتور خلاف بللې ده.
د ليک یوه برخه:« له ۴۷۰ ښځينه کار کوونکو پرته،چې زموږ په سازمان کې له ډېرو کلونو راهيسې کار کوي، نه شو کولی،۷۰۰ زرو هغو افغانانو ته د خوړو، اوبو، روغتيا او سرپناه برخه کې بېړنۍ مرستې وروسو،چې د يخ ،لوږې او د ناروغۍ له ګواښ سره مخ دي. موږ دا هم نه شو کولی،چې د نارينه کارکونکو پواسطه اړمنو افغان مېرمنو ته مرستې ورسو، ځکه دا د افغانانو د دودنو او کلتور خلاف عمل دی او له همدې امله موږ خپل کارونه د لنډ مهال لپاره بند کړې دي.»
همدا راز د کندهار علماوو شورا ته په استولې ليک کې له اسلامي امارت غوښتنه شوې، چې په غیر دولتې ادارو کې ښځينه کارونکو ته د کار کولو او افغان نجونو ته د زده کړو حق او اجازه ورکړي.
