د دوی په خبره،دې برید پر نړیواله کچه له ځانه سره کرکه درلوده او له بل پلوه یې پر سرپرست حکومت د نړیوالو نیوکې زیاتې کړي،چې د بهرنیو سفارتونو د امنیت په ټینګښت کې پاتې راغلي دي.
د سیاسي چارو شنونکی اسدالله ندیم وايي:«دروسیې پر سفارت برید په اصل کې د یوې ډلې یا ډلو له خوا شوی دی،چې له طالبانو سره د روسیې د حکومت د اړیکو له څرنګوالي راضي نه دي او غواړي دغه اړیکې خرابې کړي. نو طالبانو حکومت د هغو ځایونو د امنیت خوندیتوب مسوولیت لري،چې هلته ډیپلوماتیک مرکزونه، سفارتونه او یا نورې نمایندګی وي. د هغوی امنیت ته باید پام وکړي،ترڅو دا ډول اړیکې زیانمنې نه شي.»
د سیاسي چارو شنونکی اختر محمد راسخ وايي:«زه ویلی شم، امکان شته دی،چې په نږدې ورځو کې به د چین سفارت پر وړاندې هم دغسې غبرګون، لکه څنګه چې د روسیې سفارت پر نښه کړ، داسې به د چین سفارت مخې ته هم کېږي. »
نړیوالو رسنیو ویلي، د روسې سفارت دروازه کې برید د اسلامي دولت نومې ډلې (داعش) کړی دی. خو هرڅه چې دي، د روسیې او افغانستان ته یې یو سور چراغ ورکړی دی. مسکو ډېر ځله د افغانستان په شمال کې د اسلامي امارت نومې ډلې( داعش) له حضوره وېره ښوولې ده او په دې تړاو یې د تاجکستان او افغانستان په پوله کې پوځي تمرینات هم کړي دي.
