دیني عالم عبدالمنان روحاني بیا وايي،د سیمې استخبارات نه غواړي،چې افغانستان دې د سیمې پر کچه دیني عالمان ولري او د دغو ترورونو موخه هم نورو هېوادونو ته د افغانستان احتیاجول دي.
روحاني زیاتوي:« په دې کې د بهرنیو استخباراتو لاس دی،چې نه غواړي داسې علماو، انجنیر او ډاکټر،چې افغانستان ورته اړتیا لري ژوندی دې پاتې شي، تل یې په نښه کړي دي او له دې وژنو هدف دادی،چې افغانستان په هره برخه کې بل ته محتاج وي.»
بل پلو د حزب اسلامي مشر ګلبدین حکمتیار بیا دغه ډول بریدونه د پردیو استخباراتو کار ګڼي اومخنیوي لپاره دجدیت غوښتنه کوي.حکمتیار زیاتوي:« مولوي رحیم الله حقاني په یو تروریستي برید کې شهید شوی دی او الله دې افغان ولس د حجرتي قاتلانو له جبر خلاص کړي او د دغو خطرناکو او لومړۍ درجه دښمنانو پرضد خپله ژبه لاس اوتوره وکارو،چې په اسلام یې دا بد حالت توره شپه راوستې ده.»
