قطر کې د اسلامي امارت چارواکو د امریکا او بریتانیا له استازو سره لیدلي

د قطر پلازمینه دوحه کې د افغانستان اسلامي امارت د بهرنیو چارو وزارت سرپرست او مل پلاوي د امریکا متحده ایالتو له ځانګړي استازي توماس وېسټ، د خزانې له چارواکو او د امریکا نړیوالې پراختیايي ادارې له استازو سره کتلي دي. 

د افغغانستان اسلامي امارت د بهرنیو چارو وزارت مرستیال ویاند ضیاء احمد تکل وايي،په دغو دوه ورځنیو لېدونو کې د مخدره توکو  مخنیوي، افغانانو ته د ښه ژوند او د روږدو د درملنې په تړاو هم خبرې شوي.

تکل  زیاته کړه:« د بهرنیوچارو  وزیر مولوي امیر خان متقي پر مشرۍ لوړ پوړی پلاوی د امریکا متحد ایالتو له  ځانګړي استازي توماس ویسټ او مل پلاوي سره چې په ترکیب کې یې د سپنې ماڼۍ، د خزانې وزارت، یو.ایس.ای.آی. ډي او یو شمیر نورو ادارو لوړپوړو استازيود قطر په مرکز دوحه کې دوه ورځنۍ ناسته ترسره کړه.» 

تکل پرخپله ټویټرپاڼه لیکلي، د  بهرنیو چارو وزیر او مل پلاوي یې د افغانستان لپاره د بریتانیا شارژدافیر هوګو شارتر سره لیدلي او د دوه اړخیزو اړیکو پر ښه والي یې ټینګار کړی دی. 

هغه زیاته کړې:« د بهرنیو چارو سرپرست وزیر د  افغانستان لپاره د بریټانیا  شارژدافیر هوګو شارتر سره وکتل، بریټانوي چارواکو افغانستان کې وروستۍ زلزلې په تلفاتو خواشیني څرګنده کړه، ډاډ یې ورکړ، چې افغانستان کې به  د تاوتریخوالي له لارې د سیاسي اهدافو ترلاسه کولو کې د هېڅ ډلې ملاتړ نه کوي.» 

خو له اسلامي امارت سره د نړیوالو پیکه اړیکو پوښتنې پیدا کړي.

د سیاسي چارو یو شمېر شنونکي وايي، ورته ناستې اغیزناکې دي، خو پر وینا یې اسلامي امارت باید د دوه اړخېزو ګټو په پام کې نیولو او د پوره چمتو والي او اجنډا سره برخه واخلي.

قطر کې له امریکايي استازو سره په اقتصادي برخه او د کنګل شو پيسو به اړه هم خبرې شوي، بهرنیو چارو وزارت وایی،د بریټانیات او امریکا متحده ایالتو  استازو ورته ډاډ ورکړی دی، چې په افغانستان کې به د هېڅ هغه ډلې ملاتړ ونه کړي،چې په زوره او په تاوتریخوالي د واک ترلاسه کولو هڅه کوي.