Skip to content
د روسیې ولسمشر ولادیمیز پوتین تاجکستان ته سفر پرمهال د امام علي رحمان سره د افغانستان په تړاو هم خبرې کړي دي
پوتین ویلي،غواړي له اسلامي امارت سره نږدې اړیکې ولري او په خبره یې د وضعیت د عادي کول لپاره یې هڅې پیل کړې دي.
پوتین همداراز ویلي،چې هڅه کوي د افغانستن ټول قومونه د حکومت برخوال شي.
هغه زیاته کړې:«موږ په افغانستان کې د وضعیت عادي کولو لپاره هڅې کوو او غواړو، له هغو سیاسي اړخونو سره اړیکې جوړې کړو،چې په سیمه کې وضعیت کنټرول کوي. تاسو پوهیږئ،چې موږ غواوړو،په سیمه کې وضعیت باثباته وي او چاته ګواښ پېښ نه شي. موږ پر دې باندي کار کوو،چې په افغانستان کې ټول قومونه باید د حکومت په مخته وړلو کې برخه ولري.»
د سیاسي چارو یو شمېر شنونکي بیا په دي نظر دي،چې روسیه په منځنۍ اسیا او په ځانګړي ډول په افغانستان کې ځانګړي هدفونه لري او غواړي، له اسلامي امارت سره د اړیکو پر واسطه هغې ته ځان ورسوي او د افغانستان د وضعیت عادي کولو لپاره پيل کړې یې هڅې یې د سیمې امنیت لپاره دي.
د سیاسي چارو شنونکی نور احمد خالدي وايي:« سیاسي مذهبي افراطیون چې مخکې په تاجکستان او ازبکستان کې فعال وو اوس د افغانستان په شمال کې هم فعال دي. القاعده فعال دی. داعش فعال دی. دا ټول د منځنۍ اسیا هېوادونو لپاره خطر دي. د اسلامي ختیځ ترکستان غورځنګ د افغانستان په تېرو ۲۰ کلنو جګړو کې له طالبانو سره سهیم وو او طالبان نشي کولی دوی ته یو په یو شا کړي. روسیه غواړي څو له طالبانو سره د اړیکو په وسیله د یادو ډلو مخه ونیسي.»
ځینې نور بیا وايي، د حکومت په چارو کې د قومونو پر ونډې ټینګار بیا هغه څه دي،چې ستر ځواک لرونکي هېوادونه یې د خپلو اهدافو ته د رسیدو لپاره مطرحه کوي او د رسمیت پیژندلو له لپاره یې یو اصل بولي، چې په دې کار سره دوی په اسانۍ خپلو هدفونو ته رسیدلی شي.
دروسیې ولسمشر ولادیمیر پوتین داسې مهال دافغانستان وضعیت په اړه له خپل تاجیک سیال سره خبرې کوي، چې تاجکستان له یوولس میاشتو راپدیخوا له افغانستان سره خپله پوله تړلې او اندېښنه لري چې له افغان خاورې نه ورته ګواښ متوجه دی.
