<h2>افغانستان چې څو لیسیزی پرلسې توګه د ځینو نړیوالو قدرتونو او سیمې هېوادونو لپاره د مبارزې ډګر بلل کېده، خو اوس دغه خاوره د یو شمېر هېوادنو لپاره د پرمختګ وسیله بلل کیږي.</h2><br> <h2>د تاجیکستان بهرنیو چارو وزارت د یوې خبرپاڼې په خپرولو سره ویلي، د دغه هېواد بهرنیو چارو وزیر سراجالدین مهرالدین د شانګهای همکاریو سازمان د غړو هېوادونو له استازو سره په غونډه کې ویلي چې د مرکزي اسیا دوامداره پرمختګ په افغانستان کې د سولې له ټینګښت سره تړاو لري.</h2><br> <h2><strong>د خبرپاڼې یوه برخه:« </strong><strong>تاج</strong><strong>ی</strong><strong>کستان د افغانستان د سیاسي وضعیت د حل لپاره د نړیوالو او سیمهییزو ډیپلوماټیکو هڅو ملاتړ کوي.</strong><strong> دوشنبه له کابل سره د اقتصادي اړیکو او سوداګریزو همکاریو د پراختیا پلوی دی او له افغانانو سره د بشري مرستو رسولو ملاتړ کوي. د ټرانسپورټي او انرژۍ د نښلوونکو پروژو پراختیا کولی شي په افغانستان کې د سولې، اقتصادي ودې او سیمه ییز اتصال لپاره لا ډېر فرصتونه رامنځته کړي.» </strong></h2><strong><br></strong> <h2>د افغانستان او تاجیکستان اړیکې تر بل هر وخت ټینګې بلل کیږي؛ د سیاسي چارو شنونکي د افغانستان په تړاو د تاجیکستان وروستۍ څرګندونې د نېک نیت له مخې بولي.</h2><br> <h2>دوی ټينګار کوي چې نړۍ او د سیمې هېوادونه باید دا درک کړي چې افغان خاوره نور د نړۍ قدرتونو ازمایلو محراق نه بلکې د اتصال ټکی دی.</h2><br> <h2><strong>د سیاسي چارو شنونکی ډاکټر معین ګل څمکنی وايي:« دا یې ډېره پرځای خبره کړې ځکه افغانستان اوس د نړیوالو لویو قدرتونو د ټکر له صحنې وتلی دی. نو طبیعي ده چې دوی اوس پر دې پوهېدلي، که چېرې په افغانستان کې سوله او امنیت ټينګ شي، نو دا سیمه د ښېرازۍ پر لور یوسي او که چېرې کړکېچونه په کې راوټوکېږي، نو په هغه صورت کې به مستقیما د دوی هېوادونو ته هم سرایت کوي.» </strong></h2><strong><br></strong> <h2><strong>د سیاسي چارو شنونکی شهسوار سنګروال وايي:« تر ډېره بریده په افغانستان کې امنیت موجود دی، پخوا چې کومې اندېښنې د سیمې هېوادونو وې، یا په ځانګړي توګه د منځنۍ اسیا هېوادونو درلودلې، هغه اوس ثابته شوه چې د افغانستان له لوري هېڅ داسې یوه تروریستي پېښه ثبت شوې نه ده چې د هغوی د اندېښنو پخلي وکړي.» </strong></h2><strong><br></strong> <h2>په سیمه ییز اتصال کې د مدغم کېدو لپاره په ځینو ناستو کې د افغانستان ګډون حتمي بلل کیږي او ټنیګار دا کیږي چې د سیمې او ګاونډ هېوادونو ځینو انديښنو ته د ځواب ویلو لپاره د شانګهای په سازمان کې د افغانستان استازي ګډون اړین او حتمي دی.</h2><br> <h2>شریک یې کړئ </h2>
