Skip to content
په کابل، کندز او مزارشریف کې وروستیو مرګرونو بمي چاودنو نه یوازې پر کوردننه عام افغانان اندیښمن کړي،بلکې نړیوالو ته یې هم د نړیوالې سولې او امنیت په تړاو ژوره اندیښنه پیدا کړې ده.
د ملګرو ملتونو امنیت شورا د سه شنبې پر ورځ د «۱۴۰۱ کال د غويي پر ۱۳ مه» له غونډې وروسته یوه ګډه خبرپاڼه خپره کړې او د یادو بریدونو له غندلو سربېره یې اندېښنه ښودلې،چې ګني نړیواله سوله او امنیت ګواښي.
د یادې شورا غړو افغانستان کې د وروستیو بریدنو قربانیانو کورنیو ته تسلیت ویلی او ټپیانو ته یې د عاجلې شفاءء غوښتنه کړې ده.
د خبرپاڼې یوه برخه:«د ملګرو ملتونو امنیت شورا غړي د روژې میاشتې په لړ کې پر افغان ملکیانو وروستي بریدونه غندي او دا ټینګار کوي،چې ترهګریز بریدونه هېڅ چېرته او هېڅ کله د توجیه وړ نه دي،ځکه دا بریدونه نړیوال امنیت او سوله ګواښي.»
د روژې پر مهال ترسره شوي بریدونه ټول د عامو خلکو پر تاسیساتو شوي او قربانیان هم عام وګړي، عبادت کوونکي او د ښوونځیو زده کوونکي دي.
د ملګرو ملتونو امنیت شورا غړو په دې خبرپاڼه کې غوښتنه کړې،چې د دا ډول بریدونو عاملین، تنظیم کوونکي، ملاتړي او تمویل کوونکي دې ونیول شي او عدالت ته دې راکاږل شي.
دوی پر ټولو هېوادونو غږ کړی دی،چې د نړیوال قانون په رڼا او د ټولو امنيتي پریکړه لیکونو په همغږۍ دې له اړونده ادارو سره فعاله کار وکړي او د ترهګرو مخه دې ونیسي.
د خبرپاڼې یوه برخه:« د ملګرو ملتونو امنیت شورا غړي ټینګار کوي،چې ترهګریزي کړنې چې هر چېرته، هر وخت او په هره انګیزه ترسره کیږي،جرم دی او توجیه نه لري. له ټولو هېوادونو غواړو،چې د ملګرونو ملتونو منشور او اړوندو ټولو قوانینو په رڼا کې نړیوالې سولې او امنیت ته د پېښېدونکو ګواښونو مخه ونیسي.»
کابل کې وروستي برید له تېر اختر دوه ورځې وړاندې ترسره شو،چې له امله یې د خلیفه صاحب جومات لس ذاکرین شهیدان شول او له ۳۰ ډېر ټپیان شول.
پله یاد برید وړاندې داعش په مزارشریف کې پر یوه جومات او وروسته پر دوو موټرو بمي چاودنې کړې وې،چې لسګونه کسانو ته یې مرګژوبله اړولې وه، په داسې حال کې چې په شمالي کندز ولایت کې هم د لمونځ کوونکو پر یوې ډلې چاودنه شوې وه.
