Skip to content
د پوځي چارو یو شمېر کارپوهان وايي،د سیمې هېوادونه او نړیوال استخبارات افغانستان کې د یوې بلې جګړې د پیل لپاره کار کوي او افغانان د یو بل پر وړاندې جګړې ته چمتو کوي.
دوی د وروستیو خونړیو بریدونو په تړاو وايي، امریکا او په کوردننه ځينې کړۍ په دغو پښو کې لاس لري او د امریکامتحده ایالتو بي پلان په افغانستان کې د پلې کیدو په حال کې ده .
دوی وايي، د امریکا متحده ایالت غواړي،دا وار افغانستان د مذهب او قوم په نوم په یوې بلې کورنۍ جګړې کې ښکیل کړي او له دې لارې په منځنۍ اسیا کې خپلې ستراتیژېکې موخې تعقیب کړي.
د پوځي چارو کارپوه جنرال صادق شینواری وايي:« د افغانستان په وروستیو پیښو او بریدونو کې هم د سیمې هېوادونه او استخبارات او هم داخلي کړۍ لاس لري او هم امریکا غواړي،چې په افغانستان کې خپل بي پلان تطبیق کړي. هغه دا چې افغانستان یو ځل بیا په کورنۍ جګړه کې ښکیل کړي،ترڅو په منځنۍ اسیا کې خپلو موخو ته ځان ورسوي.»
ځنې نور بیا اندېښمن دي،چې د جمهوریت له سقوط وروسته ګاونډیانو په افغانستان کې له یوبل سره سیالي پیل کړې اود همدې لپاره ځینې ډلې او ټپلې مسلح کوي او پلان لري،چې په خپلو کې یې سره وجنګوي او د وضعیت په نا امنه کولو کې خپل اهداف ترلاسه کړي.
د پوځي چارو کارپوه جنرال سرور نیازی وايي:«په افغانستان کې د ګاونډیو هېوادونو ترمنځ یو ډول سیالي روانه ده. سیاسي او اقتصادي رقابت روان دی. همدوی دي ،ې دغه ډلې د یوبل پر ضد مسلح کوي تږ جنګوي یې،ترڅو وضعیت ناامنه شي او دوی خپلې موخې ته ورسیږي او غواړي چې په افغانستان کې مذهبي او قومي جګړې پیل شي.»
په کابل ، کندز ، بلخ او ننګرهار ولایتونو کې له بریدونو وروسته،چې له سلو زیاتو ملکي کسانو ته پهکې مرګ ژوبله واوښته، ډېری افغانان یې اندېښمن کړي،چې ګواکې د اسلامي دولت نومې ډله یا داعش یو ځل بیا سر راپورته کړی او غواړي،چې دا ځل د افغان ولس ترمنځ مذهبي جګړه پيل کړي.
