حقاني په نړويوالو هم غږ وکړ،چې په افغانستان کې روان بشري ناروين نړۍ زیانمنولای شي او د مخنيوي په موخه بايد بشري مرستې د سیاسي ستونزو قرباني نه کړي.
حقاني زیاته کړه:«اوس دوی ته په کار ده،چې د افغانستان اسلامي امارت خبري سره دا بشري مرستي سياسي نه کړي. دوی بايد دا مرستې وکړي،جاري يې وساتي،انساني مرستې بشري مرستې بايد اسلامي امارت پورې ونه تړي. نو له دوی مو دا هېله ده،چې د افغانستان ټول هغه وګړي،نن که دا بشري ناورين جاري وي ،نو له دې څخه به دوی ته هم ستونزې رسېږي.»
د کابل کډوالو چارو مشر عبدالمتین رحیم زی بیا وايي، د چين له لورې د ۱۳۰ کانټنره خوراکي توکو مرسته د کابل ښار په بېلابېلو ناحيو کې پر اړمنو خلکو ویشل شوې او پاتې مرستې به هم په مستحيقينو وويشي.
رحيم زي زیاته کړه:« اسلامي امارت له راتګه ورسته څلورم که پنځم ځل دی،چې د چین دولت له موږ سره همکاري کوي. موږ دغه مواد چې راکړل شوې دي،وريجي دي غنم دي، تقریباً يو سلو او ديرش کانټرونه دي. د هغې له جملي ۲۰ په همدې میدان توضيح کړل شول، ۲۰ نور د سيلو په ساحه کې دي.»
دلته راغلې یوه سرپرسته مور بیا وايي، د یتیمانو سرپرستي ور ترغاړې ده او د همدې مرستې ترلاسه کولو لپاره له شپږو میاشتو راهیسې د یاد ریاست مخې ته راتلله او دا لومړی ځل دی،چې مرسته یې ترلاسه کړه.
هغې زیاته کړه:«کور کې ۷ کسان یو. سړي نه لرم. اینګور مې کونډه ده، زه کونډه يم، کور مې په کرایه نیولی دی. دا مې لومړی ځل دی،چې مرسته ترلاسه کوم. له ماسره هيڅ چا نوره مرسته نه ده کړې.له دې څخه راضي یم، دا غوښتنه لرم،چې ماسره دې نوره مرسته وشي.»
دلته داسې بې وزله کسان هم راغلي،چې له دغو مرستو ناخوښ دي او وايي،حکومت دې د مرستو پرځای ورته کاري فرصتونه برابر کړي.
یو تن مرسته اخېستونکی وايي:« زموږ لپاره دا مرستې هېڅ کافي نه دي او نه دا مرستې م څه کار کولای شی. له اسلامي امارته دا غواړو،چې کار راته پیدا کړي. دا دومره مرستې راغلې،همدا يوه بورۍ یې موږ ته راکړې ده.»
دا په داسې حال کې ده،چې تیره اوونۍ د همدغه مرستو اخېستلو په موخه زرګونه اړمنې کورنۍ راغلې وي،خو د زياتې بې نظمۍ او ګڼې ګوڼې له امله ياده پروسه ځنډنۍ شوه او پرون پر ۱۵۰۰ کورنيو مرستې وویشل شوې،خو ډېری کورنۍ ناهيلې پاتې شوې.
