موټر چلوونکي وایي،د تیلو لپاره ځانګړې نرخنامه نشته ، په خپلسري ډول پلورل کیږي او له همدې کبله د بېلابېلو سیمو کرایو کې کموالی نه دی راغلی.
پکتیا کې یو تن موټر چلوونکی وايي:« له ښاروالۍ مو غوښتنه دا ده،چې د تیلو لپاره دې نرخنامه وټاکي، تیل یوه پمپ کې په یوه او بل کې په بله بیه پلورل کېږي.»
پکتیا کې یو بل موټر چلوونکی بیا وايي:« تیل نورو ولایتونو کې ارزانه دي،خو پکتیا کې یې نرخنامه نشته ، د پمپونو واله وایي ، همدا نرخ ښاروالي ورکړی دی، نو له همدې کبله موږ تر اوسه کرایې نه دي ارزانه کړي.»
د پکتیا ټرانسپورټ ریاست سرپرست محمد عمر هم مني،چې د تیلو بیو په را کمیدو سره یو شمیر سیمو ته د سوارلۍ موټرو کرایو کې کموالی نه دی راغلی،خو پر وینا یې چې نږدې راتلونکې به یې په اړه اقدامات وشي .
ولایت مقام وایي، ښاروالۍ ته د خوراکي او نورو توکو او د تیلو د بیو کموالي مسوولیت سپارل شوی،چې تر ډېره حده یې بازار کنټرول کړی او ټرانسپورټ ریاست به هم د سوارلۍ موټرو د لوړو کرایو مخه ونیسي.
