وروسته له هغې،چې اسلامي امارت په حکومت کې د تېر حکومت ځینو کسانو ته دندې ورکړې اوس د سیاسي چارو یو شمېر کارپوهان پر دې ټېنګارر کوي،چې باید دا پروسه چټکه شي او حکومت کې د غیر طالب کسانو ونډه زیاته شي.
کارپوهان د دې مطلب په څرګندولو سره بارو لري،چې په دې کار سره به د نوي حکومت رسمیت پېژندنې پروسې ته هم ګته ورسوي.
د پوهنتون استاد بلال باور وايي:«یوازې علم او تعهد دا بسنه نه کوي، په ځانګړي ډول اوسنیو شرایطو چې یو،له پېچلي تمدن سره موږ مخامخ یو. په دې خاطر هغه کسان چې متخصصین دي،ټولنه پېژني اوسني واقیعتونه پېژني،هغوی ته باید ارتجاعیت ورکړل شي.
یعني هغه کسان چې اسلام ته متعهد دي او د هغې ترڅنګ تخصص لري دا اصلي مسله ده، یوازې علم باندې دا کار مخ ته نه ځي.»
څو میاشتو وړاندې شمېر،چې د اسلامي امارت له بېلا بېلو ادرسونو له لوري اعلان شوي څه د پاسه ۵۰۰ زره د تېر حکومت پخواني مامورین د اسلامي امارت سره په حکومت کې پر دندو بوخت دي.
ویل کېږي،چې یوازې په دفاع وزارت کې تر ۹۰ سلنه د پخواني حکومت کار کوونکي دي.
له دې سره سره کارپوهان پر دې ټینګار کوي،چې اسلامي امارت باید خپلو پالسیو کې بدلون راولي او حکومت کې د متخصصینو ونډه ډېره کړي.
د سیاسي چارو کارپوه نجیب الله حبیبي وايي:«د کادرونو ځای پرځای کېدل اوسني حکومت کې اړین دي،ترڅو چې دوی استفاده ونه کړي او بدلونونه پالسیو کې رانه ولي او له دې تیر شي،چې میم زرما ټوله زما، نو افغانستان به ښه لور ته ولاړ شي.داچې څو ورځې مخکې دوه کسان وزارت دفاع کې وګومارل شول،باید دوام ورکړي.»
اسلامي امارت پر زغرده دا خبره هم کړې،چې د تېر حکومت لوړ پوړو چارواکو باندې خپل حکومت نه بدناموي.
اسلامي امارت دا هم ویلي،چې حکومت یې د اوس لپاره سرپرست دی او هڅه کوي،چې داسې کسان راس کې راولي،چې ښه سابقه ولري، هېواد او اسلام ته ژمن اوسي
نیوکه کوونکي بیا په دې باور دي،چې اسلامي امارت کې انډیوالي مهمه ده او څوک چې ورسره اړیکې ونه لري،حکومت ته داخلېدی نه شي،چې کار وکړي.
د سیاسي چارو کارپوه نصیر ترکی وايي:« طالبانو متخصص مامورینو ته اجازه ور نه کړه چې اوسني نظام کې ورسره یوځای شي اکثره مامورین په کور کېنولي دي کوم مامورین چې اوس ځي هغوی ته بدیل نه لري که درلودای یې خپل ملګري یې ګمارل.»
نړیوالې ټولنې هم د داسې بدلونو ملاتړ کوي او پر اسلامي اماررت باندې دا فشار چې حکومت دې پراخ بنسټه کړي،همدا مانا چې اسلامي امارت په اډانه کې سیاسي جریانونو او پخواني حکومت کسانو ته ځای ورکړي.
