ولسمشریزو ټاکنو ته د نوماندانو د نوم لیکنې بهیر پيل شو.
د ولسمشریزو ټاکنو د نوماندانو د نوم لیکنې په لومړۍ ورځ چا نوم لیکنه ونه کړه.
د ټاکنو کمیسیون وايي؛ له دوه ویشتو ډېر کسانو د ولسمشریزو ټاکنو د نوماندۍ معلوماتي کڅوړې تر لاسه کړي دي.
د ټاکنو کمیسیون ډاډ ورکوي چې د پارلماني ټاکنو ترخو تجربو څخه یې زده کړه کړې او ولسمشریزو ټاکنو لپاره د بشپړ تیاري خبره کوي.
د شنبې په ورځ د ولسمشریزو ټاکنو د نوماندانو د نوم لیکنې پروسه پیل شوه خو د ورځې تر پایه هیچا نوم لیکنه ونه کړه.
د کمیسيون د طرز العمل په اساس نوماندان دوولس ورځې وخت لري تر څو خپل لومړني اسناد بشپړ او ټاکنو کمیسیون ته د نوم لیکنې لپاره حاضر شي.
د ټاکنو کیسیون وايي؛ ولسمشریزو ټاکنو ته د نوماندانو د نوم لیکنې په لومړي ورځ له ۲۲ ډېرو احتمالي نوماندانو د نوم لیکنې فورمې او معلوماتي کڅوړې تر لاسه کړې دي.
د ټاکنو کمیسیون ولسمشریزو ټاکنو لپاره د بشپړ چمتوالي ډاډ ورکوي وايي؛ چې د را روانو ټاکنو لپاره امنیټي سکټورونو سره په یو پلان باندې کار کوي چې څنګه کیدای شي ټاکنې په مصونه توګه تر سره شي.
د ټاکنو کمیسیون په داسې حال کې ولسمشریز ټاکنو ته د بشپړ چمتوالي ډاډ ورکوي چې تر اوسه هېڅ یو احتمالي نوماند بریالی شوی نه دی چې خپل ټاکنیز ټکټ پوره کړي.
د مالوماتو پراساس باور کېږي چې نوماندانو ته د مرستیالانو نه پیدا کېدو ټاکنیز ټکتونه ځنډولي دي.
د ټاکنو کمسیون وايي: نوماندان څوارلس ورځې وخت لري تر څو خپل مقدماتي اسناد بشپړ او نوم لیکنه وکړي. د ټاکنو کیسیون وايي، د حنیف اتمر، شیدا محمد ابدالي، زلمي رسول، عبدارشید دوستم، رحمت الله نبیل انورالحق احدي او د احمد ولي مسعود په ګډون ۲۲ احتمالي نوماندانو د نوم لیکنې معلوماتي کڅوړې تر لاسه کړي.
د ټاکنو کمیسیون ولسمشریزو ټاکنو داسې مهال د پوره چمتوالي خبره کوي چې د کابل په ګډون د ځينو ولایتونو د ولسي جرګې پایلې نه دي اعلان شوي.
