د سیاسي چارو کارپوهان وايي، تر اوسه پورې چې کومو نږدې او لرو هېوادونو کابل کې خپل سفارتونه پرانېستي،پر دې ټکي یې ټینګار کړی،چې دا د طالبانو د حکومت د رسمیت پېژندنې په مانا نه شي کېدای.
دوی وايي، یو اړخېزه اړیکې د شیکاګو او ویانا اوصولو خلاف ده او دا بل مثل عمل نه شي کېدای.
د سیاسي چارو کارپوه عزیز معارج وايي:«داچې نورو ۱۵ هېوادونو خپل سفارتونه پرانېستي نو جاپان هم غواړي،دلته خپل سفارت پرانیزي.دا د ډیپلوماټیکو اړیکو پر بنیاد عمل بل مثل نه دی. طالبان باید د نړیوالو غوښتنې او شرایطو ته غاړه کېږدي دا به بیا دوه اړخیزه اړیکې وي.»
ځینو هېوادونو د سفارتونو بېرته پرانستلو هدف دا بللی،چې وکولای شي،له افغانستان سره بشري مرستې وکړي او پر هغو مرستو پام وساتي،چې نړیوال یې د افغانستان له خلکو سره کوي.
خو اوس ټینګار دا ده،چې اسلامي امارت باید د نړیوالو غوښتنې او شرایط ومني.
د سیاسي چارو کارپوه قریب الرحمن وايي:« داچې یو شمېر هېوادونه په کابل کې یو اړخېزه سفارتونه پرانیزي،دا د یو بشپړ سفارت چارې په مخ نه وړي.بل بحث دا ده،چې طالبان نړۍ ته ثابته کړي،چې د دوی غوښتنې او شرایط مني. نړۍ د سفارتونو پر پرانېستلو سره د هغوی څارنه کولای شي.»
اسلامي امارت ویلي، له نړیوالو سره یې اړیکې د هرې بلې ورځې ته ښې کېږي او ډېرو ته یې قناعت ورکړی،چې له افغانستان سره سیاسي اړیکې ژر عادي حالت ته راوګرځي.
