په همدې حال کې د ګټونکي شرکت استازی وايي،هڅه به وکړي،چې اخېستل شوې پنبه کورنیو شرکتونو ته ورکړي، خو که یې ګټه کمه وه، ښاييدغه پنبه پر بهرنیو شرکتونو وپلوري.
د غفار عزیزي شرکت استازی وايي:« د دغې داوطلبۍ اعلان څو ورځې مخکې شوی و، داوطلبي ازاده وه. موږو یې هم ټول شرایط پوره کړي وو او اخر موږ ګټونکي شوو. که چیرې کورنیي شرکتونه دغه پنبه پر لوړه بیه واخلي، ورکو يې،خو که بیې یې ټيټې وي، موږ اړ یو، چې بهرنیو شرکتونو باندې یې وپلورو. »
د ماليې وزارت استازی وايي، په یاده بیه کې دوی ته د ګټې په صورت کې به په همدې بیه نورې داوطلبۍ هم اعلان کړي، خو د کمې ګټې یا زیان په صورت کې به دا بیه لوړه کړي.
د ماليې وزارت استازی وايي:« که چیرې اوسنۍ بیه زموږ دولتي شرکت ته ګټه کوله، زموږ لګښتونه یې پوره کول، موږ به په همدې داوطلبۍ سره همدا شرکت ته په همدې بیه د پنبې د ورکړې پروسې ته دوام ورکړو،خو که یې زیان کاوه، موږ به بیا نوې بیه ټاکو او په هغه صورت کې به نوې داوطلبې کېږي.»
