د افغانستان بهرنیو چارو سرپرست وزیر امیر خان متقي تهران کې له ایراني چارواکو سره تر لېدنو وروسته احمد مسعود او د هرات له پخواني والي اسماعیل خان سره لېدلي دي.
امیرخان متقي ملي ټلویزیون ته ویلي،احمد مسعود او د هرات پخواني والي اسماعیل خان سره یې لېدنه کې هغوی ته ډاډ ورکړی دی،چې پرته له کومې اندېښنې خپل هېواد ته راشي او له افغانانو سره ګډ ژوند وکړي.
متقي زیاته کړه:« هو! له قوماندان اسماعیل خان او احمد مسعود سره هم مې په ایران کې ولیدل او نورو افغانانو سره مو هم ولیدل. ټولو ته مو ډاډ ورکړ،چې هرڅوک راتلی شي افغانستان کې ډاډه ژوند تیرولی شي. دلته د هرچا خپل کور ده،موږ چاته ستونزې نه رامنځته کوو. هرڅوک په ازادۍ سره راتلی شي او خپل هېواد کې وخت تیرولی شي.»
