دلاور زیاتوي:« ښه بحث مو درلود او ګټورې خبرې مو کړي،موضوع د ټاپي پروژې عملي کول و او په دې کې د دواړو خواوونه یو بل ته ډاډ ورکړل شو،چې د دې پروژې د ژر عملي کولو لپاره به جدي اقدامات کوو.»
ټاکل شوې ده،چې افغانستان د راتلونکې سې شنبې ورځ له چین سره پر کرښه ناسته کې د مس عینک کان په اړه خبرې وکړي.
کانونو او پترولیم سرپرست وایي،میس عینک کان سیمه کې یو ښارګوټی پیدا شوی،چې ۲۲۵۰ کاله مخینه لري او باید زیانمن نه شي.
شهاب الدین دلاور وايي، پیدا شوی ښارګوټی د افغانستان ملي شتمني ده او دوی د اطلاعات او کلتور وزارت سره پر ګډه د هغې د خوندیتوب لپاره کار کوي.
دلاور زیاتوي:« هلته یو ډېر لوی ښار پیدا شو. تقریباً دوه زره او دوه نیو سوه کاله مخکینی یو ښارګوټی پیدا شوی دی. موږ په هغه باندې مصروف یوو، وزارت اطلاعات او کلتور او وزارت معادن په هغې باندې کار کوي،چې هغه زموږ شتمنۍ ده او صدمه ورته ونه رسېږي.»
دلاور وايي، افغانستان له کاني زیرمو ډک هېواد دی او دوی غواړي،چې د ملي ګټو پر بنسټ یې د کېندنې قانوني چارې پیل کړي.
له دې سره هغه وايي، د کانونو برخه کې د تېر نظام ځینې شوي تړونونو کې فساد شوی،خو بیا هم دوی چمتو دي،چې اصلاحات په کې راولي او پلې یې کړي.
