امریکا له وړاندې طالبانو ته خبرداری ورکړی، که د دوی غوښتنې ونه منل شي، امریکا به د افغانستان کنګل شوې پیسې هېڅکله ازادې نه کړي، په ظاهره داغوښتنې د ټول شموله حکومت جوړېدل، د حکومت اډانه کې ښځو او مذهبي لږکیو ته ځای ورکول دي، خو اساسي موخې او غوښتنې تر اوسه پورې څرګندې نه دي.
کارپوهان په دې باور دي، که امریکایان او طالبان خپلې ستونزې له سیاسي لارو چارو حل نه کړي او یو د بل پر وړاندې داسې اقدمات ترسره کړي، چې پایله یې پښېماني اوسي، د افغانانولپاره به ښه پیغام نه وي.
کارپوه شفیق همدرد وايي:«زما په نظر هغه ستونزې چې په دې وروستیو کې د امریکا متحده ایالاتو او د افغانستان نویو واکمنانو ترمنځ رامنځ ته شوي دي، هغه باید د ډیالوک او ډیپلوماټیکو لارو ورته حل پیدا شي. داسې اقدامات یو د بل پر وړاندې ونه شي، چې راتلونکي کې بیا د پېښمانۍ او خفګان لامل شي.»
