د بشري مرستو د تنظيم کميسيون مشر شرف الدین مسلم وايي، د سيمې او نړۍ له هيوادونو سره په خبرو بوخت دي، تر څو د خوراکي توکو مرستې جلب او پر اړمنو یې وویشي.
مسلم زیاته کړه:« ډېری بهرنيو موسسو ته چې موږ زمينه برابره کړې. موږ ورته ستونزې حل کړي دي او دوی هڅه کړې،چې دغه خوراکي مواد يا غذايي مواد، يا د ژمي کومه البثه چې ده، کوشش یې کړی دی،چې ټولې موسسې چې په ښکته حساب باندې دي، خيريه ادارې دي، هغوی خپلې مرسته تر سره کړي دي.»
مسلم وايي، د مرستو د تنظيم او توضېع پروسه یې رڼه ده او هغو کسانو ته په کې لومړیتوب ورکړل شوی،چې د جګړو له امله بې ځايه شوي دي.
هغه وايي، ګڼو نړیوالو موسسو او خيره بنسټونو ته یې زمينه برابره کړې،چې له اړمنو سره مرستې تر سره او د بشري ناورين مخنيوی وکړي.
اخوا اړمنې کورنۍ که څه هم مرستو ته خوښې دي، خو زیاتوي،چې دا بسنه نه کوي او د لا زیاتو مرستو غوښتنه کوي.
یو تن مرسته ترلاسه کوونکی وايي:« نه نه تر اوسه نه مونږ مرسته اخيستې او نه راسره چا مرسته کړې ده. دا هم ښه ده، د دوی دې کور ودان وي، په دې هم زمونږ دومره ګوزاره نه کیږي، غوړي، اوړه دومره ګران شوي چې زمونږ ورته وس نه رسيږي.»
یو بل مرسته ترلاسه کوونکی بیا داسې وايي:« ولا د هر شي ضرورت دي، ژمی راغی، ډېر مسکين او بې چاره خلک شته دی، د ژمي خرچه نه لري، د اوړو او غوړيو پيسې نه لري، مشکلات خو ډېر دي ځکه افغانستان دی او مشکلات وي.»
افغانستان چې شااوخوا ۲۳ میلونه وګړي یې له فقر کړېږي او بېړنیو مرستو ته اړتیا لري مرستندويه ادارې کار کوي،چې نړیوالې مرستې جلب او پر اړمنو یې وویشي.
