Skip to content
د پاکستان لومړي وزیر عمران خان ژمنه کړې، چې د هند مرستو شویو غنمو ته اجازه ورکوي، چې افغانستان ته ورسېږي او دغه راز به نورې سوداګریزې اسانتیاوې هم رامنځته کړي.
د افغانستان د بهرنیو چارو وزیر امیر خان متقي، د مالیې او سوداګرۍ وزیرانو او مل پلاوي پرون د پاکستان له لومړي وزیر عمران خان سره لیدلي دي.
د بهرنیو چارو وزیر د پاکستان له لومړي وزیر غوښتي، چې د تورخم او چمن دروازو کې شته ستونزې حل او د افغانستان سوداګريزو توکو ته د دغه هېواد له بندرونو د ټرانزيټ برخه کې عملي اسانتياوې رامنځته کړي.
عمران خان ژمنه کړې، چې د پاکستان له لارې د افغان توکو ټرانزيټ کې به د پام وړ اسانتياوې رامنځته کړي.
عمران خان همداراز ژمنه کړې، چې د واګه بندر له لاری به د هند هېواد مرسته شویو غنمو ته اجازه ورکړي، چې افغانستان ته لاړ شي، د ویزو په برخه کې به اسانتیاوې راولي، پر نړیواله کچه به د افغانستان د موجوده سیاسي ستونزو حل او د بشري مرستو په جلب او جذب کې به د فرصتونو په برابرولو سره مرسته وکړي.
