• English
  • پښتو
  • دری
۱۴۰۴/۲/۲۲
logo png
  • کورپاڼه
  • افغانستان
  • نړۍ
  • اقتصاد
  • روغتیا
  • فرهنگ او هنر
  • لوبې
  • ټکنالوژي
  • ویډیوګانې
    • اوو بجو خبرونه
    • ځانګړې مرکه
    • تاوده بحثونه
    • محراق
    • راپورونه
روسیه: لوېدیځ هېوادونه د افغانستان بې ‌ثباته کولو لپاره د سرپرست حکومت ضد ډلو د ملاتړ لټه کوي

روسیه: لوېدیځ هېوادونه د افغانستان بې ‌ثباته کولو لپاره د سرپرست حکومت ضد ډلو د ملاتړ لټه کوي

شمشادنیوز by شمشادنیوز
2025/04/20

د روسيې د بهرنیو استخباراتو ریيس وايي، د لوېدیځو هېوادونو استخباراتي ادارې هڅه کوي چې د افغانستان سرپرست حکومت ضد وسله ‌والو ملاتړ وکړي.

د روسيې بهرنيو استخباراتو ادارې په دې اړه خپره کړې اعلاميه کې د يادې ادارې ریيس سرګي نرېشکن له قوله ويلي چې نوموړي « د افغانستان سیمه ‌ییز اتصال، امنیت او پرمختګ» تر عنوان لاندې کنفرانس کې د افغانستان د پانګې د کنګلولو له امله پر لوېدیځو هېوادونو نیوکه کړې.

دغه کنفرانس د روانې اپریل میاشتې پر ۱۷مه او ۱۸مه نېټه د آذربایجان په پلازمېنه باکو کې جوړ شوی و او نوموړي په کې ويلي چې د لوېديځو هېوادونو استخبارات دغه کار د افغانستان بې‌نظمه کولو په موخه کوي.

نرېشکن زیاته کړې: « دا لوېدیځ هېوادونه دي چې د افغانستان پانګه یې کنګل کړې او د کابل پر ضد یې بندیزونه لاهم پر خپل ځای دي. په داسې حال کې چې بهرنۍ استخباراتي ادارې د داسې لارو چارو په لټه کې دي چې د دې هېواد دننه د حکومت ضد وسله ‌والو ملاتړ وکړي.»

‌‌په اعلامیه کې روسیې د دولت جوړونې پر لور د سرپرست حکومت له دريځ او هڅو ستاینه شوې او د اسلامي امارت د نړیوالې رسمیت پېژندنې په تړاو یې باور څرګند کړی.

خو د روسیې د بهرني استخباراتو ادارې رییس له قوله په کې ذکر شوي چې لوېدیځ نه یوازې دا چې قصدا ًنه غواړي داسې څه وشي، بلکې د خپلو جیوپوليټیکو ګټو لپاره په دې لټه کې دی چې افغانستان بې ثباته وساتي.

د روسیې بهرنیو استخباراتو ریيس په دې اړه ویلي: « روسیې د دولت جوړونې په برخه کې د سرپرست حکومت د چارواکو فعالیتونه په مثبت ډول ارزولي او د حکومت د رسمیت پېژندنې د امکان پر اړتیا یې خپل باور څرګند کړی. د دې سناریو ترمخ اصلي خنډ د لوېدیځ هغه هیله ده چې افغانستان بې ‌ثباته وساتي، ترڅو خپلې جیوپوليټیکې ګټې پراخې کړي.»

نوموړي د آذربایجان له امنیتي او استخباراتي لوړپوړو چارواکو سره له خبرو سربېره دغه ‌راز په یاد کنفرانس کې د افغانستان جیوپوليټیک موقعیت ستایلی او د افغانستان پراختیا او هوساینه یې د ټولو پر ګټه بللې.

سرګي نرېشکن ویلي، له دغو منفي جریانونو او د هغو ورته توطئو سره مبارزه د افغانستان پرمختګ ته لار هوارولی شي.

د سیاسي چارو شنونکی شهسوار سنګروال وايي: « که ریښتیا هم لوېدیځ دې ته لمن ووهي، دا به نه یوازې افغانستان ته مشکلات جوړ کړي، بلکې لوېديځ به هم له ګڼو ستونزو سره مخ کړي. ښه خبره دا ده چې نړیوال د افغانستان ثبات ومني او د نړۍ ثبات یې وګڼي. که چېرې بهرنیان یو ځل بیا په افغانستان کې لاسوهنه کوي او تروریزم پیاوړی کوي، زه فکر کوم دا به نړۍ ته ښه نه وي.»       

د تېر نظام له سقوط سره سم، ګڼو سیاسي او پوځي چارواکو چې په تېرو دوو لسیزو کې په لوړو دولتي موقفونو کې پاتې شوي وو، له افغانستانه بهر د سرپرست حکومت ضد جریانونه ایجاد کړي او ترڅنګ یې داعش خراسان څانګې هم په دې موده کې د خال خال بریدونو په کولو سره ځان د حکومت ضد ډلې په توګه مطرح کړی چې تر ډېره یې مخه نیول شوې ده.

د سیاسي چارو شنونکي د دغو جریانونو په رأس کې شته کسان مات او ناکامې څېرې ګڼي چې همدې ته په کتو پرې بیاځل باور له امکان لرې برېیښي.

د سیاسي چارو شنونکی ادریس محمدي ځاځی وايي: « اوس ملت بیداره شوي، خپل دوست او دوښمن یې پېژندلی او خپل حقوق پېژني. زما په اند، له دې وروسته به د حکومت او قدرت لپاره د دوی هڅې پر ملت اغېز ونه لري.»        

سرپرست حکومت د روسي چارواکو د دې ادعا په اړه چې د لوېديځو هېوادونو له لوري يې په افغانستان کې د وسله ‌والو ډلو د ملاتړ په اړه کړې، څه نه دي ویلي، خو موده وړاندې يې په افغانستان کې د ورته ډلو فعالانه حضور رد کړی دی.

د بهرنيو استخباراتي ادارو له لوري په افغانستان کې د سرپرست حکومت ضد وسله والو ډلو څخه د ملاتړ مساله داسې مهال د روسیې له خوا مطرح کیږي چې له دې وړاندې هم یو شمېر هېوادونه د خپلو ګټو لپاره د افغانستان په کورنیو چارو کې پر لاسوهنه تورن شوي دي.

شریک یې کړئ

ShareTweetShareSendSend

Related News

ملا برادر: د مس عینک پروژې ودانیزې چارې دې ژر پیل شي
افغانستان

ملا برادر: د مس عینک پروژې ودانیزې چارې دې ژر پیل شي

مې 12, 2025
د اسلامي امارت مشرتابه له لوري ۱۱ ادارو کې نوې ګومارنې شوي
افغانستان

د اسلامي امارت رهبر: استخبارات مکلف دي چې د نظام پر وړاندې هر ډول تخريبي  پلانونو شنډ کړي

مې 12, 2025
چارواکي: هېواد کې نږدې ۴ میلیونه جرېبه غصب شوې ځمکه بېرته راګرځول شوې
افغانستان

چارواکي: هېواد کې نږدې ۴ میلیونه جرېبه غصب شوې ځمکه بېرته راګرځول شوې

مې 12, 2025
یوشیاویونګ: چین پر نړیواله کچه له افغانستانه خپل ملاتړ ته دوام ورکوي
افغانستان

یوشیاویونګ: چین پر نړیواله کچه له افغانستانه خپل ملاتړ ته دوام ورکوي

مې 12, 2025
مستري: نړیوال سازمانونه او رسنۍ د افغانستان له زندانونو لیدنه کولی شي
افغانستان

مستري: نړیوال سازمانونه او رسنۍ د افغانستان له زندانونو لیدنه کولی شي

مې 11, 2025
افغانستان، چين او پاکستان د ګډو همکاريو پر لاپراختيا هوکړه کړې
افغانستان

افغانستان، چين او پاکستان د ګډو همکاريو پر لاپراختيا هوکړه کړې

مې 11, 2025

وروستي خبرونه

افغان – ازبېک خصوصي سکټور د شاوخو۶۰ میلیونو ډالرو په ارزښت هوکړې لاسلیک کړې

افغان – ازبېک خصوصي سکټور د شاوخو۶۰ میلیونو ډالرو په ارزښت هوکړې لاسلیک کړې

مې 12, 2025
ملا برادر: د مس عینک پروژې ودانیزې چارې دې ژر پیل شي

ملا برادر: د مس عینک پروژې ودانیزې چارې دې ژر پیل شي

مې 12, 2025
د افغانستان، پاکستان او چین ترمنځ سوداګريزه ناسته کې پر ګڼو اقتصادي مسايلو بحثونه شوي

د افغانستان، پاکستان او چین ترمنځ سوداګريزه ناسته کې پر ګڼو اقتصادي مسايلو بحثونه شوي

مې 12, 2025
د اسلامي امارت مشرتابه له لوري ۱۱ ادارو کې نوې ګومارنې شوي

د اسلامي امارت رهبر: استخبارات مکلف دي چې د نظام پر وړاندې هر ډول تخريبي  پلانونو شنډ کړي

مې 12, 2025
چارواکي: هېواد کې نږدې ۴ میلیونه جرېبه غصب شوې ځمکه بېرته راګرځول شوې

چارواکي: هېواد کې نږدې ۴ میلیونه جرېبه غصب شوې ځمکه بېرته راګرځول شوې

مې 12, 2025
هند او پاکستان د امریکا په منځګړیتوب پر اوربند هوکړه کړې

هند او پاکستان د امریکا په منځګړیتوب پر اوربند هوکړه کړې

مې 12, 2025
logo png
Facebook Twitter Instagram Youtube

زموږ په اړه

 

له موږ سره اړیکه

 

د شمشاد ټلوېزیون بنسټ اېښودونکی

د شمشاد اپليکېشن

ios-ap
andoried

خبرپاڼه

    ۱۴۰۳ د دې ویب سایټ د ټولو مطالبو حقوق له شمشاد نیوز سره خوندي دي

    • زموږ په اړه
    • له موږ سره اړیکه
    • د شمشاد ټلوېزیون بنسټ اېښودونکی

    Add New Playlist

    - Select Visibility -