Skip to content
د سیاسي چارو یو شمېر تحلیل کوونکي وایي، د امریکا او نړیوالې ټولنې دا څرګندونې چې دغه ډلې به بیا فعالیت پيل کړي، د اوس لپاره یوه بې ځایه اندېښنه ده.
دوی وایي،طالبانو د القاعده لپاره خپل حکومت له لاسه ورکړ او داعش سره یې مبارزه او جګړه د دې ښکارندویي کو،چې نور به له افغانستان څخه چاته ګواښ نه وي.
د سیاسي چارو تحلیل کوونکی شفیع اعظم شنونکی وايي:« د داعش او القاعده انديښنې راپورته کول،د حقیقت پرځای سیاسي ملاحظات او فشارونه ښکاري،طالبانو په هغه وخت کې د امریکا او ناټو د فشار لاندې وه،حکومت سره په جګړه کې وه، له داعش یې ټوله عراضي ونیوله. د القاعده لپاره د طالبانو ټوله پاچاهي تېرځل ړنګه شوه،اوس چې دوی کوم تعهدات نړیوالو او اروپایي ټولنې سره لري، نه یوازې د ژمنتیا پراساس چاته ګواښ نه پیښیږي.»
اخوا یو شمېر بیا پر امریکا او نړیوالې ټولنې نیوکه کوي،چې په سیمه کې یې د دې ډلې د له منځه وړو لپاره کار ونه کړ او اوسنۍ اندېښنې یې بې ځایه دي،چې ګواکې دا ډلې به افغانستان کې بیا فعالې شي.
د سیاسي چارو تحلیل کوونکی توریالی ځاځی وايي:«د داعش او نورو ترهګرزیزو ډلو په هلکه اندېښنې بې ځایه دي که دوی غوښتل چې دا اندېښنې له منځه تللی وای دوی باید لومړی په سیمه کې د ترهګرو ډلې له منځه وړې وای هلته به پرې باور کېدای شو.»
خو د بهرنیو چارو سرپرست وزیر په خپل لومړني خبري کنفرانس کې یو ځل بیا نړیوالو ته ډاډ ورکړ،چې له افغانستان څخه به چاته ګواښ نه وي.
متقي وايي:« موږ ټولو ته ډاډ ورکوو،چې له افغانستان څخه به چاته ګواښ نه وي،خو له نورو هم غواړو،چې افغانستان کې لاسوهنې ونه کړي.»
د امریکا د سې ای ای مرستیال هم ویلي دي،چې القاعده یو یا دوه کالو کې د افغانستان له خاورې امریکا ته ګواښ پېښولی شي او د دې شبکې غړي دا مهال افغانستان کې د ځای موندلو په لټه کې دي.
