د جلال اباد ښار یو تن اوسېدونکی:« د خوراکي او غیر خوراکي توکو بیې خورا لوړې شوي دي. د جلال اباد له ښاروال قاري احسان الله ساجد مو غوښتنه دا ده،چې بیې کنټرول کړي. دغه راز د څار او کنټرول ادارې له مدېره مو هم غوښتنه دا ده،چې د بېو کنټرول کې جدي سپارښتنه وکړي.»
د جلال اباد ښار اوسېدونکی:« خوراکي توکو بیې ډېرې لوړې شوي دي. له ښاروالۍ مو غوښتنه دا ده،چې په دې اړه جدي سپارښتنه وکړي او پر هټيوالو وګرځي.»
اخوا د جلال اباد ښاروال قاري احسان الله ساجد د بیو لوړېدو لامل سرحدي بندرونو تړل ګڼي او وایي، که تجارتي لارې خلاصې شي، بېرته به د توکو بیې عادي حالت ته راشي او د خلکو ستونزې به حل شي
ساجد زیاته کړه:« د نرخونو لوړوالی مهم لامل دا دی،چې سرحدونه بند دي او څه نه راځي. دلته هغه کوم مواد،چې له هټيوالو سره پراته دي،یوازې هماغه دي او همدا لامل دی،چې بیې لوړې دي. که بندرونه خلاص شي او صرافۍ خلاصې شي، تجارتونه خلاص شي، انشاء الله،چې بیې به بېرته ښکته شي.»
ساجد وايي،،ټیمونه یې کار کوي،څو ژر نرخونه کانترول او سوداګرو او هټيوالو ته نرخنامې وټاکي.
اندېښنې دا دي،که نړۍ وال تجارتونه ژر شروع نه شي او سرحداد د ډېر وخت لپاره تړلي پاتې شي،په لویو ښارونو کې به د خوراکي او سون توکو بیې نورې هم لوړې شي او خلک به یې له رانیولو عاجز پاتې وي.
