په هرات ولایت کې نن شپږمه ورځ ده،چې خلک د اسلامي امارت تر واکمنۍ لاندې خپلې ورځنۍ چارې په عادي ډول پرمخ بیايي.
په ښار کې د نورو ورځو پرتله د خلکو ګڼه ګوڼه زیاته شوې او داسې بریښي،چې خلک کم کم خپل عادي ژوند ته ورګرځي.
د هرات ښار یو شمېر اوسېدونکي له طالبانو د سولې او امن غوښتنې کوي.
د هرات ښار اوسېدونکی:« د خوندیتوب او ارمش احساس کوو. خدای دې دوی بریالي لري. »
د هرات ښار اوسېدونکی:« موږ له دوی مننه کوو. دوی باید غله او هغه کسان،چې خلک،زوروي ونیسي.»
دولتي ادارې پرانستل شوي او ډېری کارکوونکي خپلو دندوته ستانه شوي،خو اداري چارې لاهم په بشپړه ډول نه دي پيل شوي.
دلته حج اوقافو ریاست کې د طالبانو له لوري سرتېرو او نظامي کارکوونکو ته د بښنې کارتونو د ویش لړۍ لاهم روانه ده .
د ښار ځینو سیمو کې په وسلو سمبال طالبان لېدل کیږي او خلکوته د امنیت ډاډ ورکوي.
د ولسوالیو او د ښار له بېلابېلو سېمو خلک لاهم د والي لیدلو او خپلو ستونزو شریک کولو لپاره ورځي.
د طالبانو د فرهنګي کمیسیون مرستیال مولوي احمدالله واثیق پر دولتي کارکوونکو غږ کړی،چې خپلو دندو ته ستانه شي او خپلي چارې پرمخ یوسي.
د طالبانو فرهنګي کمیسیون مرستیال مولوي احمد الله واثیق وايي:« ټولو دولتي ادارو ته خبر ورکړل شوی،چې مامورین یې راشي او بې له وېرې دې ادارو کې کار پيل کړي. مامورینو ته هېڅ ستونزه نشته ده.»
هرات کې د اسلامي امارت له لور لوري ځینو دولتي ادارو ته منسوبین پر دنده ګمارل شوي،خو اړونده برخو کې د طالبانو د طرحو او نورو تګ لارو نه موجودیت له امله لاهم چارې نه دي پیل شوي.