د هرات والي:پر ښار د طالبانو برېدونه پر شاه تمبول شوي

د هرات والي عبدالصبور قانع وايي، پرون شپه هم طالبانو له درېیو استقامتونو پرهرات ښار بریدونه وکړل،خو امنیتي ځواکونو پر شاه تمبولي دي. 

قانع زیاته کړه:«طالبانو پرون شپه  له درېیو استفامتونو د ښار پر څنډو برېدونه وکړل.افغان امنیتي او دفاعي ځواکونه پر وخت سېمې ته ورسېدل او همدارنګه هغه ځواکونه،چې په سیمه کې ځای پر ځای ول، د دوی د فعالیت مخه یې ونیوله. دوی د تلفاتو له ورکړې سره پر شاه شول.»

قانع  وايي، تېرو څو ورځو جګړو کې طالبانو ته درنه مرګ ژوبله اوښتي او اوس دغه ډله هڅه کوي،چې د نورو ولایتونو جنګیالي هرات ته سوق کړي. 

اخواد هرات  حوزوي روغتون مسوولین وايي، له تیرو دولسو ورځو راهیسي ورته   ۳۵ مړي او تر ۳۰۰  ډېر ټپیان راوړل شوي،چې ۷۰ سلنه يې ملکي وګړي دي.

د یاد روغتون سرطبیب وايي:« روغتون ته  د  وروستیو جګړو له پيله تر اوسه پورې ۳۵ جسدونه او  له ۳۰۰ زیات ټپيان راوړل شوي دي. په ټپيانو کې ۷۰ سلنه ملکیان دي.»

په ټپیانو او مړو شویو کسانو کې ښځې او ماشومان هم شامل دي.

اخوا د هرات ولایت اوسېدونکي د جګړې له ښکېلو اړخونو غواړي،چې د سولې له لارې دې غوښتنې مطرح  کړي. 

د هرات ولایت یو تن اوسېدونکی وايي:«  دلته جګړه ډېره سخته ده. زرګونه کورنۍ د جګړې له امله بې ځایه شوي دي.» 

هرات کې د جګړو له پیل  له امله زرګونه کورنۍ له خپلو سیمو بې ځایه شوي او سخت حالت سره مخ دي.

دغه راز د روانو جګړو له امله عامو خلکو ته د سر زیان سربېره،ملیونونه افغانۍ مالي زیان هم اوښتی