خو طالبان وايي٬ زندانیان دوی نه دي خوشي کړي، بلکي په ولایت د دوي له برید سره سم د پولیسو له خوا د زندانونو دروازې خلاصې شوې دي.
د طالبانو ویاند ذبیح الله مجاهد وايي: «کومو ښارونو ته،مخکې له دې چې موږ رسېږو،پولیسو مخکې تر مخکې زندانیانو ته دروازې خلاصي کړي او زندانیان تښتي او موږ نشو کولای، د جګړې پر وخت د زندانیانو تفکیک وکړو. د زندانیانو خلاصون زموږ له طرفه نه دی.»
کورنیو چارو وزارت بیا د طالبانو دغه ا دعا ردوي او زیاتوي، طالبان له جرمي شبکو سره کډ مشترکات لري او غواړي زندانیان خوشي کړي او د جګړې ډګر کې ترې کار واخلي.
اخوا د سیاسي چارو یو شمېر تحلیل کوونکي د زندانونو ماتول او د سلګونه زندانیانو خوشې کول د هېواد امنیتي وضعیت لپاره له روانې جګړې هم ګواښوونکي بولي.
د سیاسي چارو تحلیل کوونکی نذیر خلیل وايي: «هغه زندانیان چي د جګړې پر مهال له زندانونو تښتي، په دې کي قاتلین، د نشه یي توکو قاچاقچیان به هم وي چي وروسته به بیا هم خپلو پخوانیو جرمونو لاس پوري کړي.»
دا لومړی ځل نه دی چي د بېلابېلو ولایتونو په مرکزونو د طالبانو له برېدونو وروسته سلګونه زندانیان چي په بېلابېلو جرمونو کې لاس لري تښتي، بلکې له دې وړاندې هم یو شمېر لوی او واړه زندانونه مات شوي، خو یو لوری یې هم مسوولیت نه مني.
