خو طالب ویاند له ځنډ پرته شمشاد ته وویل، دا تورونه بې بنسټه دي او هېڅ داسې پېښه نه ده شوې.
د طالبانو ویاند ذبیح الله مجاهد وايي:« دا خبره غلطه ده، چېرته داسې نه دي شوي او نه هم چا کړي دي. پر زوره د ښځو نکاح غیر شریعي کار دی او موږ یې ردوو. هر چا چې په دې اړه پروپاګند کړی دی، غواړي زمو پر ضد بد ذهنیت رامنځته کړي. »
وروسته له هغې،چې طالبانو یو شمېر ولسوالۍ ونېولې، ورسره د مدني ټولنو ځینو غړو ته دا اندېښنې پیدا شوي،چې ګنې د طالبانو په راتګ به یو ځل بیا ښځې تر کوره محدودې پاتې شي او د کار او دندو اجازه به ورنه کړل شي.
