ملي ایتلاف وایي، که د ټاکنو اوسنی کمېسیون له بایومتریک پرته رایې حساب کړي دوی ته به د ولسمشریزو ټاکنو لپاره اوسنی کمېسیون د منلو نه وي.
ملي ایتلاف په یوه خبري غونډه کې وویل، د ولسمشریزو ټاکنو لپآره يې بحثونه کړي او ژر به له خپل منځ نه یو کس ولسمشریزو ټاکنو ته د نوماند په توګه وړاندې کړي.
ایتلاف دغه راز خبر ورکړ چې اجرایه رییس سره یې خبرې شوي او د ایتلاف په نوماند سره سلا شوي دي.
تازه چې د ولسمشریزو تاکنو لپآره سیاسیونو په خپلو کې بحثونه پیل کړي، ملي ایتلاف هم په خپل منځ کې له ایتلاف نه دباندې له یو شمېر سیاسیونو سره ناستې کړي.
ملي ایتلاف خبري غونډه کې په پارلماني ټاکنو نیوکې وکړي او د ولسمشریزو ټاکنو لپآره یې د خپل چمتوالي خبر ورکړ.
دا ایتلاف وایي، خبرې یې کړي او ژر به د ایتلاف له منځه د ولسمشریزو ټاکنو لپآره نوماند باندې سلا شي.
دغه ایتلاف په تېرو پارلماني ټاکنو هم نیوکې وکړې چې له ګڼو ستونزو ډکې ترسره شوي.
اوس چې دواړو ټاکنیزو کمېسیونونو له بایومتریک پرته د رایو په اعتبار هم هوکړه کړي، ایتلاف مخالفت کوي او وايي که له بایومتریک پرته رایې باطلې نه کړي، دوی د ولسمشریزو ټاکنو لپاره د کمېسیون اوسنی تشکیل نه مني.
ټاکنو کمېسیون کې چې اوس د رایو شمېرنې پروسه دوام لري، د ۱۱ ولایتونو د یو شمېر مرکزونو په بیا رای شمېرنې پرېکړه شوي، خو ملي ایتلاف ټینګار کوي چې باید ټولې رایې له سره وشمېرل شي.
داسې اوازې وې چې د ولسمشر لومړی مرستیال جنرال دوستم له ملي ایتلاف وتلی، خو احمد ضیا مسعود، جنرال دوستم د ایتلاف له مهمو غړو بولي چې اوس هم اصلي محور دی.
له دې سره ملي ایتلاف له حکومت غوښتنه وکړه چې د کندهار په امنیه قوماندان جنرال رازق د برید په تړاو جدي څېړنې وکړي.
