ملابرادر له خپلې کورنۍ سره یوځای شوی
طالبان وایي، د امنیتي ملحوضاتو له امله نه شي ویلی چې چېرته دی خو باور ښي چې خامخا به هېواد کې وي.
تحلیل کوونکي وایي، که امریکا خپله تګلاره کې بدلون راولي له بند ازاد شوي طالبان به سوله کې محوري رول ولري.
خو ځینې نور بیا په دې باور دي چې ملابرادر د پاکستان د څار لاندې ده او د سولې په برخه کې به څه ونه کړای شي.
د طالبانو د تحریک پخواني مرستیال ملا عبدالغني برادر په تړاو اوس راپورونه خپاره شوي چې هغه د پاکستان له بند څخه د ازادېدو وروسته افغانستان ته راغلی دی او دلته له وسلوالو طالبانو سره یوځای شوی دی.
طالبان وایي، برادر له خپلې کورنۍ سره دی خو د امنیتي ستونزو له امله نه شي ویلی چې چېرته اوسیږي.
اساسي پوښتنې دادي چې ملا برادر به راتلونکې کې سوله رهبري کړي او که به په جګړې ټینګار وکړي؟
ډیر هغه طالبان چې له بندخونو ازاد شوي د جګړو لیکو سره یوځای شوي او مشرانو یې قطر ته پناه وړې.
د ملابرادر خوشې کول په پاکستان د امریکا د فشارونو پایله وه خو باور کېږي چې هغه د اسلام اباد د کلک څار لاندې دی او ډېره هیله نه شته چې د سولې په برخه کې دې مهم رول ولري.
د طالبانو په لیکو کې د رهبرۍ پرسرجنجالونه او د سولې په تړاو د واحد نظر نه شتون ملابرادر په مخ کې خنډونه دي.
د ملا عبدالغني برادر له خوشې کېدو یو نیمه اونۍ تیریږي خو تر اوسه ولسمشرۍ ماڼۍ خپل دریځ نه دی ډاګیز کړی.
اجرایه ریاست هغه تېره ورځ وویل چې ملا برادر د افغانستان حکومت له همغږۍ پرته ازاد شوی دی.
