د امریکا ولسمشر له افغانستان څخه د خپلو ځواکونو د وتو نېټه د سیپټمبر ۱۱ مه اعلان کړه، خو شک دادی چې ښايي امریکا له افغانستان څخه د تېر په شان په خپل وخت ونه وځي.
د امریکا د سنا اندېښنه داده که ځواکونه یې له افغانستان بهرشي، ښايي طالبان بیا پر افغان خاوره حاکم شي.
د امریکا د سنا جرګې یو تن سناتور پوجرس وایي: (د بایډن هغه پرېکړه چې له شرط پرته امریکايي ځواکونه له افغانستان څخه باسي، ښايي مسله به نوره هم ستونزمنه کړي. زه اندېښمن یم چې طالبان به زموږ له وتو وروسته د افغانستان په دیموکرات حکومت ولکه ترلاسه کړي.)
د بهرنیوځواکونو د وتو په اړه د واشنګټن او پینټاګون ترمنځ د نظر اختلاف لاهم پر خپل ځای دي.
جوبایډن غواړي په افغانستان کې اوږده جګړه پای ته ورسوي، خو امریکايي نظاميان وايي چې په افغانستان کې ترهګریز فعالیتونه به له سيمې څاري.
د امریکا دفاع وزارت د پاليسۍ مرستیاله امانډه ډوري وایي: (ولسمشر بایډن له ملي امنیت شورا سره په افغانستان کې د سرتېرو له ویستلو وروسته په بېلابېلو سناریو ګانو خبرې کړې دي. موږ ټول ژمن یو چې له افغانستان څخه به د ۲۰۰۱ کال په څېر امریکا ته کوم ګواښ نه پیښیږي.)
د امریکا په سنا کې د مرکزی قومندانۍ مشر جنرال مکینزي بیا وايي چې دفاع وزیر ته به یو درې میاشتینی پلان په نږدې راتلونکې وسپاري، چې له مخې به يې په افغانستان کې د ترهګرو فعالیتونه له بهر څخه وڅارل شي.
هغه هم ژمنه وکړه چې امریکایي ځواکونه به د افغانستان څخه وځي.
امریکایي جنرال په افغانستان کې د تاوتریخولي ډېرېدو هم انديښمن کړی.
په ورته وخت کې، د شنونکو نظر دادی که تاوتریخوالی همداسې دوام وکړي له هېواده د امریکايانو د وتلو شونتيا کمزوري کوي.
