ناټو کې د امریکا دایمي استازې ویلي، اوس مهال یو ستر فرصت برابر شوی چې د افغانستان جګړه پای ته ورسیږي.
د دې ناستې د جزییاتو مهم ټکي نه دي روښانه شوي خو تحلیل دا دی چې په دې ناسته کې به ناټو د طالبانو او امریکایانو تر منځ هوکړې ته په کتو نوي تصامیم ونیسي.
داسې ښکاري چې د طالبانو او امریکایانو تر منځ شوې هوکړه په افغانستان کې د بلې څپې اوښتو ته زمینه سازۍي کوي
ناټو روان وضعیت او رامنځته کېدونکي تحول ته په کتو روانه اوونۍ د افغانستان په تړاو مهمه ناسته کوي.
ناټو کې د امریکا دایمي استازې، کی بیلي هاچېسون وايي، (( د ناټو غړي هیوادونه او دفاع وزیران به روانه اونۍ یوه مهمه ناسته وکړي چې په پکې به په افغانستان کې د کووېډ۱۹ پر وړاندې د مبارزې پر مسایلو او په دې هیواد کې د غوڅ ملاتړ ماموریت په تړاو خبرې وکړي))
په ناټو کې د امریکا دایمي استازې د ناستې زیات جزیات نه دي خپاره کړي خو دا یې ویلي چې په افغانستان کې د اوږدې جګړې د پای وخت را رسېدلی.
د ناټو غړي دفاع وزیران به همدا راز په افغانستان کې داسې مهال د غوڅ ملاتړ ماموریت په اړه خبرې وکړي چې په دې هیواد کې اوس مهال یو ستر فرصت برابر شوی چې اوږدمهالې سولې ته لار هوارولی شي.
((موږ پوهیږو چې افغانان ددې غوښتنه کوي او حق لري چې نور دغه جګړه ختمه شي))
تحلیل دا دی چې د ناټو په دې غونډه کې به غوڅ ملاتړ ماموریت پوځیانو ته د وتلو نوی مهالویش او وتو لارې چارې ولټول شي.
ناټو له افغانستان حکومت سره د شوي تړون له مخې مکلفه وه چې تر ۲۰۲۴ کال پورې د افغان ځواکونو روزنې ، تجهیز او هوايي ځواک په برخه کې مرسته کړې وای.
خو د امریکا او طالبانو تر منځ د شوې هوکړې له مخې مجبور دي چې په څوارلسو میاشتو کې له افغانستان څخه ووځي.
