.پاکستان په کراچۍ بندر کې د افغانانو ۲۵۰ څخه زیات بار کانټنرونه درولي
پاکستان له تېرو شپږو میاشتو راهیسې د کراچۍ بندر کې د بورې له دوه نیم سوو نه ډېر کانټينرونه درولي او افغانستان ته لېږد اجازه نه ورکوي.
خصوصي سکټور وايي افغان سوداګر د ټرانزیټ په برخه کې د پاکستان ټولو مقرراتو ته غاړه ايښې خو بیا هم وخت نا وخت پاکستان د افغان سوداګرو د توکو انتقال پر وړاندې خنډ جوړوي.
د سوداګرۍ وزارت ددغې ستونزې په تړاو رسما څه نه وايي خو دغه وزارت کې ځينې سرچينې وايي؛ پاکستان د توکو د خراب کیفیت په پلمه اجازه نه ورکوي چې افغانستان ته انتقال شي.
پاکستان کراچۍ بندر کې د افغان سوداګرو دوه سوه او دوه شپیته کانټيره بوره له تېرو شپږو میاشتو راهیسې درولې او افغانستان ته يې لېږد اجازه نه ورکوي.
د سوداګرۍ او پانګونې خونې مسوولین وايي ستونزه یې اړوندو وزارتونو سره شریکه کړې خو تر اوسه د حل لپاره یې اقدام نه دی شوی.
افغانستان چې پر وارداتو متکي هېواد بلل کيږي پاکستان له اوږدو کلونو راهیسې په حساسو شرایطو کې خپلې لارې د فشار په توګه د افغان حکومت پر وړاندې کارولي.
بل لور ته افغان حکومت باندې نېوکې دي چې له پاکستان سره د سوداګرو د ستونزو د دایمي حل په برخه کې پاتي راغلی.
سوداګرۍ وزارت په دې تړاو رسما څه نه وايي خو دغه وزارت کې ځينې سرچينې وايي پاکستان د توکو د خراب کيفیت له امله د لېږد مخه نېولې، خصوصي سکټور بیا وايي د ټرانزیټ برخه کې یې د پاکستان ټولو مقرراتو غاړه ايښې خو سربېره پردې هم پاکستان وخت نا وخت د افغان سوداګرو د توکو لېږد پر وړاندې خنډ جوړيږي. انديښني دي که دغه توکي په وخت سره انتقال نه شي ښايي زیانمن او له منځه ولاړ شي.
