د نمیروز ولایت په ګنګ ولسوالۍ کې د افغان او ایراني پوله ساتو ځواکونو ترمنځ نښته پایته رسېدلي ده.
د راپورونو له مخې، دغه نښته نن سهار پيل او د ماسپښين تر شااوخوا درې نیمو بجو پورې یې دوام وکړ.
د ملي دفاع وزارت وياند شمشاد سره خبرو کې نښته تائيد کړه،خو جګړه کې یې د اوښتو زیانونو او د نښتې علت په تړاو څه ونه ويل.
د ایران تسنيم خبري آژانس خبر ورکړی دی،چې دغه نښته نن سهار پیل شوې او شاوخوا ۴ ساعته دوام وروسته پاې ته رسيدلې.
په هغه ویډیو کې چې په خواله رسنیو کې لاس په لاس کېږي، ښکاري چې ايراني پوځيان يو بل هڅه وي، چې په افغان خاروه درنې وسلې و کاروي.
د فارس خبري آژانس راپور له مخې،څو ساعته مخکې د ساسولي پوستې ته څېرمه د افغان او ایراني پوله ساتو ځواکونو ترمنځ شخړه رامنځته شوه،چې وروسته په نښته واوښته او دواړو خواوو پر یو بل سپکې او درنې وسلې وکارولې.
د ایران او افغانستان ترمنځ په سرحدي پوله رامنځته شوې جګړې لومړۍ کرښې ته د نيمروز ولايت لوړپوړي نظامي مسوولين هم تللي او په سرحد کې د ایراني پوله ساتو مشرانو سره د شخړې د علت په اړه یې څیړنې پيل کړي.
افغان او ايراني سرحدي ځواکونه دغه نښته داسې مهال کيږي،چې په کابل کې د ایران سفير د افغانستان بهرڼيو چارو سرپرست وزیر مولوي امیر خان متقي سره د تهران او کابل د اړيکو په ښه کيدو او دغه راز په ياد هېواد کې د زندانيانو او نورو مسايلو په سر په خبرو وو.
د بهرنیو چارو وزارت مرستیال ویاند حافظ ضیاء احمد تکل ویلي، دواړو خواوو د افغان بندیانو د انتقال د پروسې په بیاپیلولو، پر اعدام محکوم بندیانو داعدامونو ځنډولو او افغان اتباعو ته دویزو پر تسهیل او دغه راز د هلمند په سیند کې د ایران د حقابې تأمین تر څنګ په نورو دوه اړخیزو مسایلو بحثونه وکړل.
نیمروز کې د پولې پر سر د افغان او ایراني پوله ساتو ځواکونو ترمنځ د نښتې علت تر اوسه پورې نه دی څرګند، خو سرچينې وايي چې ایراني ځواکو افغان خاروې ته څيرمه تاسيسات جوړول،چې د لفظي شخړې وروسته دواړو خواوو نښته پیل کړه او ساعتونه يې دوام وکړ.
