د پاکستان غونډه کې پر افغان سولې او دوه اړخیزو اړیکو خبرې شوي.
په پاکستان کې د افغانستان د سولې په تړاو غونډه نن د پاکستان د بهرنیو چارو وزیر شامحمود قریشي په خبرو پیل شوه.
په غونډه کې د پاکستان د بهرنیو چارو وزیر شاه محمود قریشي وویل، د پاکستان او افغانستان ګډ دښمن شیطاني چلونه کوي چې په وینا یې ډېر وخت یې د دواړو خپلمنځي اړیکي خرابې کړي دي.
د بهرنیو چارو وزیر قریشي ویلي په افغانستان کې سوله په خبرو راتلی شي او بله لار شتون نه لري.
قریشي داسې ویلي (( موږ د افغانستان د خپلواکۍ او ځمکنۍ بشپړتیا درناوی کوو او په دې هېواد کې سوله او خوښي غواړو، هیله مو دا ده چې داسې اړیکې خپلو کې سره جوړې کړو چې د یو بل په چارو کې په نه لاسوهنه او شریکو ګټو ولاړې وي.))
د حزب اسلامي د رهبرۍ شورا غړۍ همایون جریري په دې باور دی، چې د افغان سیاسیون ناسته له پاکستانیو چارواکو سره د سولې خبرو لپاره ګټور تمامه شي.
جریري وايي٬ حکمتیار هم د یوه لوړ رتبه پلاوي په مشرۍ په غونډه کې ګډون کړی٬ او دا ډول غونډې کولای شي د سولې په برخه کې مثبت تاثیر ولري.
خو د پخواني ولسمشر حامد کرزي له لوري په یوه خپره شوې اعلامیه کې د نوموړي له قوله ویل شوي، چې د سفر مشورې او چمتوالي لپاره د وخت لږوالي له کبله نه شي کولای دغه غونډه کې ګډون وکړي.
ټاکل شوې افغان ولسمشر محمد اشرف غني هم د روانې جون میاشتې پر ۲۷ تمه پاکستان سفر وکړي، پاکستان غواړي د ولسمشر غني له سفر مخکې د دې سفر په اړه د افغان سیاسیونو او مشرانو نظرونه له ځان سره ولري.
