مشرانو جرګې له کورنیو چارو وزارت غوښتي چې د حاجي دلاور قضیه کې د مشرانو جرګې حیثیت ته پام وکړي.
وروسته له هغې چې کورنیو چارو وزارت د کابل دولسمې ناحیې اړوند د مشرانو جرګې مشاور حاجي دلاور په نوم یو کس له تعقیبي او موټر او ځینو اسنادو سره ونیو، اوس مالومه شوې چې نیول شوي کس ځینو بریدونو کې لاس درلود.
د کورنیو چارو وزارت لومړۍ موندنې ښيي چې حاجي دلاور ډيرو پلان شویو بریدونو کې لاس درلود.
مشرانو جرګې له کورنیو چارو وزارت غوښتي چې د حاجي دلاور قضیه کې د مشرانو جرګې حیثیت ته پام وکړي.
مشرانو جرګې درالانشاء وایي، حاجي دلاور په ۹۷ کال کې دوی سره مشاور و او دا چې څه ډول تورونه پرې لګیدلي، دوی پورې اړه نه لري او سپیناوی دې وکړي.
له دې سره کورنیو چارو وزارت د هغه برید پلانوونکی حاجي دلاور یاد کړی چې عمر سرتېري پکې د ننګرهار بهسودو پل سره ووژل شو.
له دې سره د تحلیل کوونکو هغه ادعا په اثبات رسیدلې چې د بریدونو پلانوونکي قومي ملاتړي او موقفونه لري.
خو مشرانو جرګې بیا له کورنیو چارو وزارت غوښتي چې په دې قضیه کې د د مشرانو جرګې حیثیت ته پام وشي.
د مشرانو جرګې درالانشاء وایي، حاجي دلاور له دوی سره مخکینی مشاور و او اوس یې کومه رسمي دنده نه درلودله.
حاجي دلاور له ډيرو امکاناتو سره نیول شوی چې پکې وسلې او تور پلیټونه هم شامل و، اوس تحلیل کوونکي هغه ادعاوې سمې بولي چې ترهګر له دولتي امکاناتو په ګټنې هدفونو ته رسیږي.
له کورنیو چارو وزارت غوښتنه کیږي چې ټول هغه کسان ونیسي او سخته سزا ورکړي چې له امکاناتو په ګټنې ترهګر تر هدفونو رسوي او امکانات ورته برابروي.
