ننګرهار کې د دیني عالمانو هدفي وژنو خلک ډارولي او ځینې دیني عالمان یې له دندو ګرځولي.
ننګرهار کې دیني عالمان د وسله والو له لوري وروسیتو بریدونو اومرموزو وژنو ډارکړی.
دیني عالمان وایي، اوس دخپل سر ساتلوپه خاطرپه ډېر شمېرعلما رسمي دندو او مسجدونو ته نه ځي.
هلته دیني عالمان وژل کېږي او څوک یې مسؤلیت هم نه مني چې اندېښنې یې زیاتې کړي.
ننګرهار والي بیا ویلي دیني عالمان په دوه ډلو وېشل شوي او خپلو کې یوبل وژني.
ننګرهار کې دیني عالمانو زنځیري وژنې زیاتې شوي، چې خلک یې د جګړې بل خطرناک اړخ بولي.
د ننګرهار د حج او اوقافو رئیس مولوي داوود مجاهد د علماوو وژنې مرموزې بولي او نه پوهېږي، چې ولې وروستیو کې دیني عالمان هدف ګرځول شوي.
دیني عالمان وایي، وروستیو وژنو سخت ډار کړي او اوس په ډېر شمېر دیني عالمان رسمي دندو او آن مسجدونو ته نه ورځي.
دوی وایي، تل یې د شته نظام ملاتړ کړی؛ خو بېرته په نېمه لار پرېښودل شوي دي.
د ننګرهار والي بیا وایي، دلته دیني عالمان په دوه ډول وېشل شوي او یو د بل پرضد تبلغات کوي چې ډېره کله یې په مرګ تمامېږي.
امنیه قومندان عبدالرقیب مبارز راسره په خبرو کې ویلي د نورو وګړو سربېره یې د دیني عالمانو امنیت خونديتوب لپاره کار پیل کړی دی.
عام خلک بیا دا د جګړې بل پیل یادوي او له مسولو چارواکو غواړي چې د نورو وګړو امنیت سربېره دې د دیني عالمانو امنیت په برخه کې کارنده ګامونه واخلي.
