• English
  • پښتو
  • دری
logo png
  • کورپاڼه
  • افغانستان
  • نړۍ
  • اقتصاد
  • روغتیا
  • فرهنگ او هنر
  • لوبې
  • ټکنالوژي
  • ویډیوګانې
    • اوو بجو خبرونه
    • ځانګړې مرکه
    • تاوده بحثونه
    • محراق
    • راپورونه
اسلام اباد کې د افغانستان سفارت: د کډوالو پاتې شویو ملکیتونو او شتمنیو لېږدولو ته رسېدنه کوو

اسلام اباد کې د افغانستان سفارت: د کډوالو پاتې شویو ملکیتونو او شتمنیو لېږدولو ته رسېدنه کوو

shamshadnews by shamshadnews
2025/05/04

له هغې وروسته چې له پاکستانه راستنېدونکو افغان کډوالو د پاکستان حکومت له خوا د دوی د شتمنیو او ملکیتونو د غصب او افغانستان ته د لېږدولو مخنیوي په اړه شکایتونه وکړل، اسلام اباد کې د افغانستان سفارت وايي، د دې ستونزې په هوارولو یې کار پیل کړی.

په پاکستان کې د افغانستان سفارت په دې تړاو خپره کړې اعلامیه کې له ټولو هغو افغان کډوالو چې له دې ستونزې سره مخ دي، غوښتني چې خپلې ستونزې او اسناد ورسره شریکې کړي.

په اعلامیه کې غوښتل شوي چې په دې اړه خپل ستونزې او د خپلو ملکیتونو او شتمنیو کره اسناد له سفارت سره شریک کړي.

د اعلامیې یوه برخه: « په پاکستان کې هغه مېشت افغان کډوالو چې وطن ته د بېرته ستنېدنې پرمهال د خپلو شتمنیو اړوند له کومې ستونزې سره مخ شوي وي یا د خپلو ملکیتونو اړوند کومه اندېښنه ولري، خپلې ستونزې دې له موثقو اسنادو سره له سفارت سره شریکې کړي.»

خو په پاکستان کې مېشت افغان کډوال چې له دې وړاندې له پاکستان د راتلو پرمهال ورته د ملکیتونو او شتمنیو د وړلو اجازه نه ورکول کېده وايي، د پاکستان حکومت د تازه پرېکړې له مخې دوی ته د ملکیتونو د انتقال اجازه ورکړل شوې ده.

له دې سره، د مهاجرانو په توګه راجسټر شوي(پي.او.آر) کارت لرونکي کډوال د پاکستان له حکومته غواړي چې دوی ته له پاکستانه د بشپړې وتنې لپاره مهلت چې د جون میاشتې وروستۍ نېټه ده، نور هم وغځوي؛ ترڅو خپل کاروبارونه په سمه توګه راټول کړي.

افغان کډوال عبدالله خان الوزی وايي: « وړاندیزونه شپږ یا اووه وو، خو ټول یې رد کړي دي. یوازې یو وړاندیز منل شوی، هغه دا دی چې د مهاجر سړي کور او مال به نه ضبط کېږي او په تورخم د اړولو پرمهال به نه نیول کېږي. له دې وړاندې حکومتي ادارو داسې اعلان کړی و چې نه به څوک له مهاجرو کور اخلي او نه به یې خرڅولی شي.»

یو تن بل افغان کډوال په دې اړه وايي: « دوی موږ ته د جون میاشتې تر آخره وخت راکړی. موږ وایو چې د جون میاشت کې ډېره سخته ګرمي ده او له موږ سره ماشومان، بوډاګان او ښځې دي او ښايي د ګرمۍ له امله په لارو هلاک شي. که چېرې موږ ته دغه وخت وغځوي او په ترتیب او مراحلو سره د وتلو پروګرام جوړ کړي.»

بل پلو، د ملګرو ملتونو د کډوالو سترې کمېشنرۍ په خپل تازه راپور کې ویلي، د تېرې اپرېل میاشتې راهیسې له پاکستانه نږدې۱۵۰زره کډوال هېواد ته راستانه شوي دي.

راپور کې وړاندې ویل شوې، یوازې په تېره اپریل میاشت کې له پاکستان او ایران ۲۸۲زره افغان کډوال هېواد ته راغلي چې څه باندې ۱۰۰ زره یې له یادو هېوادونو جبري ایستل شوي دي.

د راپور یوه برخه: « د روان کال په اپریل کې له پاکستانه د افغان کډوالو د راتګ کچه لوړه شوې. د دغو کډوالو ډېره برخه په جبري ډول را اړول شوي. په دې موده کې ۱۴۴زره ۵۰۰ افغانان له دې هېواد افغانستان راستانه شوي دي.»

د کډوالو سترې کمېشنرۍ په خپل راپور کې دا هم ویلي چې دامهال په پاکستان او ایران کې څه باندې ۵ میلیونه افغان کډوال مېشت دي چې په راپور کې د ذکر شویو ارقامو له مخې د ۲۰۲۳زېږدیز کال د سپټمبر له لومړۍ نېټې راهیسې څه باندې ۳ میلیونه کډوال بېرته هېواد ته راستانه او یا په زوره را اړول شوي چې یوازې یو نیم میلیونه هغه یې په تېر ۲۰۲۴ کال کې وو.

د ملګرو ملتونو سترې کمېشنرۍ له دغو هېوادونو په زوره د افغان کډوالو او پناه غوښتونکو له ایستلو سره مخالفت کړی او ویلي يې دي چې له دې کار سره ښايي د ځینو هغو ژوند له خطر سره مخ شي.

شریک یې کړئ

ShareTweetShareSendSend

Related News

صنعتکارانو ته د ځمکو د سندونو وېش پيل شو
افغانستان

صنعتکارانو ته د ځمکو د سندونو وېش پيل شو

مې 29, 2025
له ایرانه څه باندې ۳ زره افغان کډوال بېرته هېواد ته راستانه شول
افغانستان

ملګري ملتونه: نورو هېوادونو ته د تګ په تمه پاکستان کې دېره افغانان بېړنیو مرستو ته اړتیا لري

مې 29, 2025
ملګرو ملتونو او قزاق چارواکو د افغانستان په اړه خبرې کړې
افغانستان

ملګرو ملتونو او قزاق چارواکو د افغانستان په اړه خبرې کړې

مې 29, 2025
ایراني چارواکي: ایران کې د بهرنیو اتباعو ۵۰سلنه افغانان تشکیلوي
افغانستان

ایراني چارواکي: ایران کې د بهرنیو اتباعو ۵۰سلنه افغانان تشکیلوي

مې 29, 2025
کرنې وزارت: غواړو افغانستان د کرنې او مالدارۍ له پلوه پرځان بسیا کړو
افغانستان

کرنې وزارت: غواړو افغانستان د کرنې او مالدارۍ له پلوه پرځان بسیا کړو

مې 29, 2025
د هند نړیوالو چارو شورا: له کابل سره د نوي ډيلي سیاسي تعامل نرمه او مانا لرونکې تګلاره ده
افغانستان

د هند نړیوالو چارو شورا: له کابل سره د نوي ډيلي سیاسي تعامل نرمه او مانا لرونکې تګلاره ده

مې 29, 2025

وروستي خبرونه

صنعتکارانو ته د ځمکو د سندونو وېش پيل شو

صنعتکارانو ته د ځمکو د سندونو وېش پيل شو

مې 29, 2025
له ایرانه څه باندې ۳ زره افغان کډوال بېرته هېواد ته راستانه شول

ملګري ملتونه: نورو هېوادونو ته د تګ په تمه پاکستان کې دېره افغانان بېړنیو مرستو ته اړتیا لري

مې 29, 2025
ملګرو ملتونو او قزاق چارواکو د افغانستان په اړه خبرې کړې

ملګرو ملتونو او قزاق چارواکو د افغانستان په اړه خبرې کړې

مې 29, 2025
ایراني چارواکي: ایران کې د بهرنیو اتباعو ۵۰سلنه افغانان تشکیلوي

ایراني چارواکي: ایران کې د بهرنیو اتباعو ۵۰سلنه افغانان تشکیلوي

مې 29, 2025
کرنې وزارت: غواړو افغانستان د کرنې او مالدارۍ له پلوه پرځان بسیا کړو

کرنې وزارت: غواړو افغانستان د کرنې او مالدارۍ له پلوه پرځان بسیا کړو

مې 29, 2025
د هند نړیوالو چارو شورا: له کابل سره د نوي ډيلي سیاسي تعامل نرمه او مانا لرونکې تګلاره ده

د هند نړیوالو چارو شورا: له کابل سره د نوي ډيلي سیاسي تعامل نرمه او مانا لرونکې تګلاره ده

مې 29, 2025
logo png
Facebook Twitter Instagram Youtube

زموږ په اړه

 

له موږ سره اړیکه

 

د شمشاد ټلوېزیون بنسټ اېښودونکی

د شمشاد اپليکېشن

ios-ap
andoried

خبرپاڼه

    ۱۴۰۳ د دې ویب سایټ د ټولو مطالبو حقوق له شمشاد نیوز سره خوندي دي

    • زموږ په اړه
    • له موږ سره اړیکه
    • د شمشاد ټلوېزیون بنسټ اېښودونکی

    Add New Playlist