د کولمبیا دفاع وزیر دییګو مولان وايي، د ولسمشر ایوان دوکي پر چورلکه د برید په اړه د هر ډول مالوماتو په بدل کې د ۷۹۶ زره ډالرو جایزه ورکوي.
درې ورځې وړاندې ولسمشر ایوان دوکي له وینزوېلا سره پر پوله کوکوتا هوايي ډګر ته چې نژدې شو، چورلکې یې اور واخیست.
حکومت د چورلکې یو شمېر انځورونه خپاره کړي او وايي، په مرمو وېشتل شوې ده.
په چورلکه کې هېچا ته زیان نه دی اوښتی.
بل پلو ملګرو ملتونو، اروپايي ټولنې او امریکا دا برید غندلی دی.
تر اوسه پورې مالومه نه ده، چې دا برید چا کړی دی.