د امريکا پخواني ولسمشر ډونالډ ټرمپ سپينې ماڼۍ څخه له تګ وروسته په لومړي ځل اوهايو ایالت کې ټاکنيزې مبارزې ته ورته یوه ناسته تر سره کړه.
په دې ناسته کې د ټرمپ د اوسني ولسمشر جو بايډن د کډوالۍ پر پاليسۍ نيوکه وکړه او هغه يې وغندله.
ټرمپ د امريکا د تېرو ناندريزو ولسمشريزو په اړه یو ځل بيا وویل، له درغليو ډکې وې.
راپورونه وايي، د ټرمپ د ناستې اصلي موخه دا وه، چې له محافظه کار ګونډ څخه کانګرس ته د ماکس مېلر د نوماندۍ ملاتړ وکړي.
په دې ناسته کې د ټرمپ پلويانو شعارونه ورکول، چې نوموړی په ۲۰۲۴ کال کې بيا غواړي.
ټرمپ د امريکا په تېرو ولسمشریزو ټاکنو کې له جو بايډن په لوی اکثريت ماتې وخوړه، خو د سپينې ماڼۍ تر پرېښودلو يې دا و نه منله، چې ټاکنې يې بايللې دي.