د روغتیا نړیوال سازمان اعلان کړی،له دې وروسته به د کورونا وبا بڼې پر یوناني تورو نوموي.
د یاد سازمان چارواکي وايي، دا کار ځکه کوي، تر څو د هېوادونو د بدنامۍ مخه ونیسي.
د چارواکو په خبره، د نوي سېستم له مخې به اوسنۍ هغه ۴ بڼې چې په چټکۍ سره د خپرېدو په حال کې دې،هم ونومول شي او د اندېښنې وړ نورې بڼې به هم پر دې سېستم نومول کېږي.
د دغه سازمان د تخنیکي څانګې مشرې ویلي، دا نوي نومونه به د وبا د بڼو د ساینسي نومونو ځای ونه نیسي؛ خو د عامه خلکو ذهنیت جوړونه کې به مهم رول ولري.
د نومونې د دې نوي سېستم له مخې به د کورونا برتانوۍ بڼې ته چې (B.1.1.7) نومول شوې الفا ویل کېږي، هغه بڼه چې سوېلي افریقا کې کشف شوې او (B.1.351) نومول شوې بېټا به ورته ویل کېږي او برازیلۍ بڼې ته به چې (پي ون) نومول شوې ګاما ویل کېږي.
د دې سېستم پر بنسټ د کورونا وبا هندۍ بڼه په دوه برخو وېشل شوې چې (B.1.617.2) بڼې ته به یې ډېلټا ویلاو (B.1.617.1) بڼه ته به یې کاپا ګڼل کېږي.
