په پکتیا کې د ۲۰۳ منصوري قول اردو قوماندان ایوب خالد وایي، اسلامي اردو ته د سرتیرو جلب و جذب په بې ساري ډول ډېر شوی او د روزنې بهیر د لا چټکیدو هڅې روانې دي.
خالد باور لري، که جلب و جدب په همدې ډول دوام وکړي، اسلامي اردو به نږدې راتلونکي کې بشپړه شي.
خالد زیاته کړه:« داسې ورځ او ساعت نه شته دی،جلب و جذب دې ونه لرو، لا کسان نه وي فارغ کړي ، چې نور د روزولو لپاره چمتو شي، جلب و جذب پر چټکۍ روان دی. زه باور لرم،چې ډېر ژر به اسلامي اردو بشپړه شي.»
خالد وایي، ډیورنډ فرضي کرښې ته د فارغ شویو سرتېرو لیږل لومړیتوب دی او وروسته به هغو ولایتونو ته استول کېږي،چې اړتیا یې وي.
خالد زیاته کړه:« تر دې وروسته به له ټولو لواګانو سرتیري راځي او دلته به قول اردو کې روزنه ګوري. سرحداتو د دوی لیږل مو لومړیتوب دی او وروسته به هغه ولایتونو ته لیږل کیږي ، چې اړتیا یې وي.»
د اسلامي اردو د سرتیرو د زورنې دوره لنډه او یوه نیمه میاشت ده، خو سرتیري وایي،هڅه کوي،چې په کم وخت کې ډېره څه زده کړي.
پکتیا کې د اسلامي اردو سرتیری وايي:«نظامي زده کړې مو په ښه ډول تر لاسه کړي او نور هم هڅه کوو ، د درنو او سپکو وسلو استعمال مو په ډیر ښه ډول زده کړی دی.»
پکتیا کې د اسلامي اردو بیا سرتیری وايي:«زده کړې یوه نیمه میاشت دي ، باید ډیره څه په کې زده شي او زده کړي مو هم دي ولسونو ته ډاډ ورکوي ، چې د سر په بیه به یې ساتنه کوو.»
پر قول اردو سربیره څلورو لیواګانو کې هم د سرتیرو د روزنې بهیر روان دی ، خو چارواکي وایي،تر دې وروسته به ټول سرتیري قول اردو کې نظامي زده کړې تر لاسه کوي.
