Skip to content
د ملګرو ملتونو د کډوالو چارو اداره وايي، که افغانستان کې بې وزلو سره له ژمي وړاندې مرستې و نه شي، ناورین به رامنځته شي.
یاده اداره وايي، افغنستان کې د جګړې له امله د بې ځایه شویو کسانو شمېر درې نیم میلیونو ته رسېږي.
د ملګرو ملتونو کډوالو ادارې ویلي، اړتیا ده چې شوې ژمني عملي شي او مرستې د دوی په واک کې ورکړل شي، تر څو له ژمې وړاندې خلکو ته ورسېږي.
دغه اداره وایي، پر افغانستان د اسلامی امارت له ولکې وړاندې هم د افغانستان نیمایي خلکو مرستو ته اړتیا درلوده.
دا له یوې اوونۍ په لږه موده کې دویم ځل دی، چې د ملګرو ملتونو د کډوالو اداره افغانستان کې د بشري ناورین په اړه خبرداری ورکوي.
د طالبانو حکومت ژمنه کړې، چې د نړیوالو مرستندویه بنسټونو سره همکاري کوي، تر څو خلکو ته مرستې ورسوي.
