افغان ماشومانو کې ډېری يې له زده کړو بې برخې، پوره خوړو ته لاس رسی نه لري او روغتيايي برخې ته پاملرنه خو يې په فکر کې هم نه راګرځي، ډېر يې د زده کړو ارمان کوي،خو غربت يې مخه ډب کړې.
د روغتيا وزارت ویاند جاوید هژیر وايي، هېواد کې د ناسم اقتصادي وضعیت له کبله ۳،۴ میلیونه افغان ماشومان پر خوارځواکۍ اخته دي،چې يو میلیون يې بيا له جدي ګواښ سره مخ دي.
عام باور دا دی،که اسلامي امارت خلکو ته د کارونو په پیدا کولو کې مرسته وکړي، لرې نه ده چې ماشومان به له شاقۍ کار وژغول شي او د سختو کارونو پر ځای به زده کړو ته دوام ورکړي.
