یونیسیف لویدیځ کې د خپلو فعالیتونو د بیا پیل خبر ورکړی

لویدیځ زون کې یونیسیف یا د ملګرو ملتونو د ماشومانو ملاتړ ادارې مسوولینو د روغتیا، تغذیې، واکسینونو، پوهنې او پراختیایي پروګرامونو په برخه کې د خپل فعالیت د پیل خبر ورکړی.

 د هرات ولایت مقام وایې لویدیځ زون کې د دغې ادارې مسوول صدیق ابراهیم هرات والي سره د لیدنې پرمهال دغه څرګندونې کړي دي.

د هرات والي مولوي عبدالقیوم روحاني له دغې مؤسسې غوښتي، چې بشري برخه کې خپل فعالیتونه لا زیات پراخه کړي.

والي دغه راز د امنیت او نورو اسانتیاوو په برخه کې یادې ادارې ته د همکاری ډاډ هم ورکړی دی.