یونیسف یو ځل بیا افغانستان کې د نجونو ښوونځيو پرانېستل کېدو غوښتنه کړې

د ملګرو ملتونو د ماشومانو ملاتړ صندوق یا یونیسف ویاندې سام موریټ ویلي، له شپږم ټولګي پورته ښوونځیو ته د نجونو د تګ غوښتونکي دي.

مورېټ له اسلامي امارت یې یو ځل بیا غوښتنه کړې،چې ژر تر ژره د نجونو پر مخ د ښوونځیو دروازې پرانیزي.

دغه راز مورېټ زیاته کړې،په افغانستان کې د ماشومانو وضعیت د اندېښنې وړ دی او دوی تمه لري،چې نوی حکومت دې موضوع ته جدي پاملرنه وکړي.

د مورېت په خبره په وروستیو کې د ماشومانو د روغتیا سربېره لوږې او ښوونځیو کې د ستونزو را پورته کېدل د اندېښنې وړ دي او باید جدي پاملرنه ورته وشي.