یوناما: د ښځو پر وړاندې  د تاوترېخوالي   مخه باید ونیول شي

نن د نومبر ۲۵ د ښځو پر وړاندې د تاوتریخوالي  له منځه وړلو نړیوالې ورځې سره برابره ده.

په افغانستان کې د ملګرو ملتونو استازولۍ یا یوناما  د همدې ورځې په مناسبت په یوه خپره کړې خبرپاڼه کې  د افغان ښځو پر وضعیت اندېښنه ښودلې او د تاوتریخوالي کچه یې لوړه بللې ده.

خبرپاڼه کې غوښتنه شوې ده،چې د تاوتریخوالي مخه باید ونیول شي او باید هغه چلن بدل کړو،چې د تاوتریخوالي ملاتړ کوي.

خبرپاڼه کې راغلي،چې  افغانستان کې د کورونا  وبا او بشري بحران پر مهال د ښځو پر وړاندې تاوتریخوالی زیات شوی دی.

 خبرپانه زیاتوي،چې افغانستان د نړۍ پر کچه د ښځو پر وړاندې د تاوتریخوالي تر ټولو لوړه کچه لري او له هرو لسو  ښځو ۹ ښځو یې تاوتریخوالی تجربه کړی دی.

په افغانستان کې د ملګرو ملتونو د سرمنشي ځانګړې استازې دیبورا لاینز ویلي، د تاوتریخوالي مخه باید ونیول شي او باید هغه چلند بدل کړو،چې د تاوتریخوالي ملاتړ کوي.