په افغانستان کې د ملګرو ملتونو سیاسي استازولۍ یا یوناما د یوې خبرپاڼې په خپرولو سره ویلي، د روانو جګړو او تاوترېخوالي له امله د ملکي تلفاتو کچې اندېښمنه کړې او په کار ده،چې تاوترېخوالی کم شي.
په خبرپاڼه کې راغلي،چې د روانې اوونۍ په تېرو درې ورځو کې په هلمند، کندهار، ارزګان، سرپل، پروان او کاپیسا ولایتونو کې د جګړو له امله ۲۳ ملکي وګړي وژل شوي او ۴۹ نور ټپیان شوي دي.
خو په راپور کې د ملکي تلفاتو پړه پر افغان امنیتي ځواکونو او طالبانو اچول شوې ده.
یوناما له ښکېلو غاړو غوښتي،چې د ملکي وګړو ژوند خوندیتوب ته دې جدي پاملرنه وکړي.
