Skip to content
وروسته له هغې،چې د هېواد پر کچه له نيمايي زيات ولايتونه د طالبانو لاسته ولوېدل د ملګرو ملتونو عمومي منشي انټونیو ګوترس ويلي، افغانستان کې امنيتي وضعيت له کنټرول بهر کېدو لوري ته روان دی.
ګوترس وايي، هغوی ته،چې د جګړې لاره يې خپله کړې بايد د نړيوالې ټولنې پيغام واضع وي او هغه دا چې د زور له لارې واک ته رسېدل دوامدارې کورنۍ جګړې او د افغانستان د تجزې لامل کېدلی شي.
د ګوترس په خبره، د افغانستان نسلونه،چې له وړاندې جګړې سره بلد دي، له يوې بلې غميزې سره لاس او ګریوان کېدونکي دي.
ګوترس زیاته کړه:« آن يو هېواد،چې نسلونه يې له تراژيدونکو جګړو سره بلد دي، افغانستان يوځل بيا له غمېزې ډک چپټر سره مخکېږي. د افغانستان زيات مهال ځورېدلی ولس لپاره نه باور کېدونکي تراژيدي ده، افغانستان کې حالت له کنټرول بهر کېدونکي لور ته روان دی.»
تازه د ناټو سر منشي په يوه خپره کړې خبرپاڼه کې ويلي،چې دوی د طالبانو له لوري د روان تاوتريخوالي په اړه اندېښمن دي.
د ناټو خبرپاڼې یوه برخه:« د ناټو غړي د لوړې کچې تاوتريخوالي، له امله،چې لامل يې د طالبانو بريدونه، چې په ملکيانو هم کېږي، همدا راز هدفي وژنې او د بشر له حقونو سرغړونو راپورنه هم شته، چې موږ يې اندېښمن کړي يوو.»
په کور د ننه هم يو شمېر سياسي شنونکي په دې باور دي، چې نړيواله ټولنه او افغان د زور له لارې واک ته رسېدل ردوی او بايد د خبرو له لارې ستونزه حل شي.
په ورته مهال، د برېټانيا لومړي وزير بوريس جانسن هم ويلي، چې افغانستان کې روان حالت تربل هروخت نازک شوی او دوی د حالت په اړه له وړاندې اټکل کړی و. ملګري ملتونه، برېټانيا او ناټو دا اندېښنې داسې مهال څرګندوي،چې طالبانو د شنبې په ورځ د کونړ او پکتيکا ولایتونو مرکزونه هم ونیول.
